PNTL liuhosi Unidade Batallaun Orden Públika (BOP) hala'o treinu hasoru demostrasaun sira. Iha Caicoli estrada BOP nia oin, kinta (19/10). Imajen Tatoli/Francisco Sony

DILI, 11 fevereiru 2022 (TATOLI)— Governu liuhosi Ministériu Interiór (MI) planu halo rekrutamentu ba ajente Polisia Nasionál Timor-Leste (PNTL) foun hamutuk 720 iha tinan 2023.

Vise-Ministru Interiór, António Armindo. Imajen Tatoli/Francisco Sony

“Ita hatene membru PNTL daudaun ladauk sufisiente, nune’e númeru ne’e ita presiza aumenta tan, tanba ita hatene membru PNTL balun moras no barak mak mate ona. Tanba ne’e tuir planu ita sei halo rekrutamentu iha tinan oin (2023) hamutuk 720,” Vise Ministru Interiór, António Armindo  ne’e ba jornalistaiha nia kna’ar fatin Caicoli, sesta ne’e.

Notísia relevante:   Governu planeia rekrutamentu konjunta membru PNTL-F-FDTL

Vise Ministru ne’e dehan daudaun ne’e koordena ona ho Komandu PNTL atu orsamenta rekrutamentu kadete foun ne’e iha Orsamentu Jerál Estadu (OJE) 2023 hodi aloka ba  orsamentu PNTL nian no sei aprezenta iha Komisaun Revizaun Orsamentu Politika (KROP).

“Ha’u koalia hanesan Vise Ministru Interiór jantamente tinan oin mai sei halo rekrutamentu, Ha’u sei konsulta lai ho Primeiru Ministru hanesan Ministru Interiór, atu konkorda ka la konkorda, tanba naturalmente la’ós ha’u nia desizaun, ne’e Ministru ninia desizaun,” nia akresneta.

Tanba, rekrutamentu ba membru PNTL tuir loloos realiza iha tinan ne’e, maibé tanba tinan ne’e PNTL halo preparasaun hasoru eleisaun prezidensiál, nune’e orsamentu prevee ba fali iha nesesidade PNTL atu garante asegura iha kampaña no eleisaun tinan ne’e.

“Ita nia polísia hasoru ona problema bo’ot ida, sira menus ona sira nia ema, kuantidade ema la prenxe ona, portantu hakarak ka lakohi, pelumenus 2023 tenke rekruta, ha’u pesoál planu tenke halo duni rekrutamentu,” nia afirma.

Notísia relevante:  OJE 2022: PN aprova $34082481 ba PNTL iha espesialidade

Jornalista: Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here