Komandante PNTL munisípiu Dili, Superientendente Xefe Polisia, Henrique da Costa. Imajen TATOLI/Francisco Sony

DILI, 10 fevereiru 2022 (TATOLI)— Komandante Polisia Nasionál Timor-Leste (PNTL) Munisípiu Dili, Superintendente Xefe Henrique da Costa, informa sidadaun Indonézia na’in-ida mate derepente iha kuartu laran iha Colmera-Dili tanba deskonfia sofre moras kardiovaskular.

“Ohin, loron kinta (10/2), tuku 8:00 dader iha área Colmera, sidadaun estranjeiru hosi nasaun Indonézia, inisiál FD ho idade (52), serbisu hanesan traballadór iha konstrusaun uma andra ETO iha Villa-Verde, mate derepente iha nia kuartu-laran,” Komandante Munisipiu Dili ne’e informa ba jornalista sira iha Caicoli-Dili, kinta ne’e.

Komandante Henrique esplika iha sasin balun dehan matebian moras fuan, tanba ne’e bainhira matebian hakotu iis iha kuartu laran nia kolega sira kontaktu kedan polísia.

“Ita nian polísia investigadór to’o kedan fatin akontesimentu hodi haree matebian, maibé nia oin metan hotu, nune’e sira kontaktu parte forensik PNTL nian lori kedan mate-isin ba Hospitál Nasionál Guido Valadares (HNGV) atu halo otopsia hodi hatene loloos motivu mate ne’e. Nune’e rezultadu ita sei hein rezultadu otopsia,” nia afirma.

Jornalista: Natalino Costa

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here