Membru PNTL halo hela seguransa iha area aimutin, kinta 10/2/2022. Imajen Tatoli/Antonio Dasiparu

DILI, 10 fevereiru 2022 (TATOLI)— Komandu Jerál Polisia Nasional Timor-Leste (PNTL) liuhosi Komandante Operasaun Nasionál, kinta ne’e, realiza treinamentu pre-operasaun ba Komandante Unidade Polísia, Komandante Munisípiu no membru sira atu prepara-an ba asegura atividade kampaña no Eleisaun Prezidensiál.

“Ita hala’o treinementu pre-operasaun atu fasilita ko’alia liu kona-ba oinsá atu asegura kampaña no Eleisaun Prezidensiál 2022-2027 ho d’iak,” Xefe Departementu Justisa Komandu Jerál PNTL, Superintendente Xefe, Agustinho Gomes, hateten ba jornalista sira iha Sentru Formasaun Polísia (CFP, sigla portugés)-Comoro, kinta ne’e.

Formasaun pre-operasaun ne’e partisipa Komandante Munisípiu, Komandante Unidade no Komadante Sentru Formasaun Polisia (CFP, sigla portuges) hodi iha responsabilidade atu garante orden polisiál iha instituisaun laran.

“Atu ita nia membru sesaun sira, Komandante munisípiu Komandante Unidade sira atu bele fila ba idak-idak nia unidade hodi bele kontrola membru sira bele hala’o serbisu ho disiplina tuir lei,” nia afirma.

Matéria ne’ebé fó iha ámbitu formasaun ne’e kona-ba disiplina PNTL, normál organizasaun prosedura departementu justisa no norma organizasaun prosedimentu disiplina administrativa PNTL, lei organika PNTL ne’ebe liga liu ba artigu balun ne’ebe maka korespondensia ho serbisu PNTL.

Nune’e, nia husu, hafoin treinamentu mak membru PNTL la kumpre ka komete infrasaun iha kampaña no eleisaun, mak Departementu Justisa PNTL sei fó sansaun disiplinar ba membru refere.

Notísia relevante:  PNTL hahú kapasita membru asegura kampaña no eleisaun  prezidensiál

Jornalista: Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here