iklan

NASIONÁL, HEADLINE, SEGURANSA

Komandu PNTL orienta UPF hala’o vijilánsia iha fronteira

Komandu PNTL orienta UPF hala’o vijilánsia iha fronteira

Komandante Unidade Patrullamentu Fronteira (UPF), Superintendente Euclides Belo, hala’o vizita ba postu fronteira Saburai, Bobonaro. Imajen Tatoli/Sérgio da Cruz.

DILI, 10 fevereiru 2022 (TATOLI)— Komandu Polisia Nasionál Timor-Leste (PNTL) fó ona orientasaun ba Unidade Polisia Fronteira (UPF) atu hala’o vijilánsia iha fronteira terrestre entre Timor-Leste no Indonézia hodi prevene transasaun sasán no ai-moruk ilegál.

“Ami simu ona orientasaun no alerta ona ba membru sira iha fronteira terrestre atu aviza ba komunidade sira liuhosi koordena ho parte relevante hotu atu prevene transasaun aimoruk ilegál,” Komandante UFP, Superintendente Polisia, Euclides Belo, hateten ba Agência TATOLI, via rede sosiál, kinta ne’e.

Komandante Unidade Polisia Fronteira (UPF), Superintendente Euclides Belo. Imajen Tatoli/Francisco Sony

Orientasaun hosi Komandu PNTL ne’e, Komandante UPF ne’e, dehan bazeia ba informasaun ne’ebé simu hosi parte kompetente hosi nasaun viziñu ne’ebé deskonfia aimoruk ilisítu balun lakon iha Indonézia no ema balun koko atu lori tama iha Timor-Leste.

UPF nuudar ajente seguransa hahú halo patrollamentu hodi garantia seguransa, nune’e aimoruk prevene aimoruk ilisítu-sira labele labele tama-mai rai laran.

“Ami hetan informasaun ne’e husi Servisu Sekreta Polisia nian, nune’e ami sei koordena ho autoridade relevante liuliu parte saúde atu hodi prevene aimoruk hirak ne’e tama mai ita nia rai,” nia akresenta.

Tanba ne’e, Euclides Belo husu ba komunidade iha área fronteira atu  koopera ho parte polísia hodi asegura liña fronteira hodi prevene aimoruk risku sira tama mai territóriu laran.

“Ami mós aviza ona ba komunidade iha liña fronteira atu labele hola aimoruk arbiru sein iha reseita hosi doutór ka médiku. Husu mós ba komunidade keta simu aimoruk arbiru husi ema ne’ebe ladauk koñese no konsumu. Karik deskonfia ema ruma lalais fó hatene ba autoridade polisiál ne’ebé besik no autoridade lokál atu foti asaun,” Komandante UPF ne’e fó hanoin.

Notísia relevante: Komandu PNTL orienta UPF aperta fronteira terrestre

Jornalista: Natalino Costa

Editór     : Florencio Miranda Ximenes

iklan
iklan

Leave a Reply

iklan
error: Content is protected !!