Diretór Jerál Sekretaria Estadu Ambiente, João Carlos Soares. Imajen TATOLI/Vitorino Lopes da Costa

VIQUEQUE, 10 fevereiru 2022 (TATOLI)—Sekretaria Estadu Ambiente (SEA) estabelese edifísiu ambiente iha munisípiu Viqueque, ne’ebé foun reabilita ho kustu $17.300, atu funsionáriu sira bele serbisu ho di’ak asegura ambiente saudável.

“Ami-nia papel iha munisípiu importante tanba atu haree ba animál fuik, produsaun, bio diversidade, kontrola lixu ne’ebé ema soe arbiru no ba futuru dezenvolvimentu munisípiu la’o di’ak ami maka sei kontrola tomak,” Diretór Jerál Sekretaria Estadu  Ambiente, João Carlos Soares, relata ba Agência TATOLI, hafoin ramata inaugura edifisiu SEA iha munisípiu Viqeuqe, kinta ne’e.

Notísia relevante: Adapta ekonomia verde, Timor-Leste tenke opta konseitu dezenvolvimentu sustentável ambiente

Funsionáriu SEA iha Viqueque daudaun foin na’in-lima, ne’ebé presiza hasa’e kapasidade rekursu, ho kompeténsia serbisu mak sei apoiu tomak ba munisípiu  hodi halo limpeza no kuda ai-oan.

“Ami sei luta delega kompeténsia ba funsionáriu SEA iha munisípiu, atu bele hasai lisensa ambientál hanesan loke restaurante no ofisina la presiza hakat to’o nasionál.

“Ida-ne’e ami sei esforsu hodi fó kompeténsia ba funsionáriu sira ne’ebé destaka ona iha munisípiu,” Diretór tenik.

Ba futuru SEA sei kria seksaun sira hanesan kontrola polusaun, ambientál, bio diversidade, klimátika, no ambientál.

Nune’e, nia husu komunidade iha munisípiu Viqueque atu tau a’as konsiénsia hodi labele soe lixu arbiru, nune’e ambiente iha munisípiu laran sai moos, tanba soe lixu arbiru iha tempu udan sei hamosu sedimentasaun.

Jornalista : Vitorino Lopes da Costa

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here