Embaixadór Portugal iha Timor-Leste, José Pedro Machado Viera. Imajen António Goncalves

DILI, 10 fevereiru 2022 (TATOLI)—Embaixadór Portugal iha Timor-Leste, José Pedro Machado Viera, kinta ne’e hala’o sorumutu hodi despede Prezidente Parlamentu Nasionál, Deputadu Aniceto Longuinhos Guterres Lopes, tanba ninia misaun iha Timor-Leste sei termina iha tempu badak nia laran.

“Objetivu hasoru malu ne’e simples relasiona ho ha’u-nia misaun hanesan embaixadór Portugal iha Timor-Leste ne’ebé tempu besik sei termina, naturalmente halo despedida ho Prezidente Parlamentu Nasionál,” Embaixadór José Pedro Machado hateten ba jornalista sira hafoin ramata enkontru ho Prezidente Parlamenbtu Nasionál, Aniceto Longuinhos Guterres Lopes, iha resintu Parlamentu Nasionál.

Diplomata ne’e mós aprezenta ba PPN katak iha embaixadór foun ida mak sei subtitui nia hodi hala’o misaun iha Timor-Leste.

Durante misaun embaixadór atuál ne’e halo servisu kooperasaun ho Parlamentu Nasionál Timor-Leste foka ba kolaborasaun ho Asembleia Parlametár Portugal, Uniaun Inter Parlamentár iha CPLP hodi partila valór importante entre nasaun rua no iha CPLP.

Aleinde fó apoiu ba PN espesífiku liuhosi komisaun C iha área supervizaun finansa públika no  orsamentál.

Tan ne’e durante sorumutu ne’e ko’alia oportunidade kooperasaun ne’ebé durante ne’e Portugál ho Timor-Leste hala’o no apoiu sira mai iha Parlamentu Nasionál no Portugal kontinua hametin kooperasaun.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here