Lixu namkari iha àrea merkadu Covalima. Imajen Tatoli/Celestina Teles.

COVALIMA, 10 fevereiru 2022 (TATOLI)–Diretór apoiu ONG, Agustino Mendonça informa, Administrsaun Munisípiu Covalima (AMC) la prevee orsamentu atu konstrui sintina públiku no monta kaixote lixu iha markadu Camanasa, nune’e negosiante sira bele soe lixu iha nia fatin.

Diretór apoiu Sosiedade Sivil Covalima, Agustino Mendonça (tuur klaran). Imajen Tatoli/Celestina Teles.

“Ha’u husu no tinan-tinan Administrasaun Munisipál la prevee orsamentu ba ida-ne’e. Ita-boot sira buka parseiru ruma hodi hadi’a sintina públiku iha merkadu, monta kaixote lixu nune’e negosiante sira bele soe lixu iha nia fatin ne’ebé mak prepara ona,” Diretór Apoiu ba ONG, Agustino Mendonça hato’o kestaun ne’e bainhira hala’o abertura programa limpeza jerál ne’ebé organiza hosi Centro Comunidade Covalima (CCC) iha merkadu Camnasa Covalima, kinta ne’e.

Merkadu Camanasa iha Covalima temi foun, maibé haree kondisaun merkadu la higiene tanba la iha sintina públiku no la iha lixu fatin atu negosiante sira so’e lixu iha nia fatin.

Maske Governu la prevee orsamentu maibé nia husu ba sosiedade sivil no parseiru sira-ne’ebe mak hakarak ajuda no buka dalan bele ajuda negosiante no kompradór sira sosa sasán iha markadu refere ho dignu.

Tanba merkadu Camanasa  laiha sintina públiku, kaixote lixu ka lixeiru nune’e negosiante sira bele so’e lixu iha nia fatin maibé realidade kondisaun merkadu ladun ijíene ba negosiante no kompradór sira atu sosa sasán.

“Nune’e, iha tinan 2016 ha’u preve orsamentu atu konstrui merkadu ida-ne’e no aprova, tanba konsentra ba sistema deskonsetrasaun prepara ba predeskonsentrasaun enatun sira kansela tiha osan,” nia dehan.

Enkuantu, Orsamentu Jerál Estadu (OJE) tinan 2022 ba munisípiu Covalima hamutuk $3,990,360 sei fó prioridade ba programa 11, sub-programa 32 no atividade 62.

Programa prioridade 11 ne’e mak hanesan estrada no ponte hamutuk $77,734, ne’ebè aloka ba saláriu no vensimentu $43,128, bens servisu $34,606, programa dezenvolvimentu ruràl no urbanu $353,606.

Programa seguransa nasionál $87,414 no hosi orsamentu ne’e aloka ba saláriu vensimentu $10,260 bens servisu $ 77,154.

Programa asesu ba justisa ho nia orsamentu $56,131 ne’ebè aloka ba saláriu no vensimentu $35,904 no bens servisu $20,227.

Ba programa boa-governasaun no jestaun instituisionál aloka orsamentu $1,652,192 ne’ebè aloka ba saláriu no vensimentu $554,975, bens no servisu $424,237 no transferénsia públika $672,980.

Programa ba Agrikultura hamutuk $498,818 ne’ebè aloka ba saláriu no vensimentu $343,644, bens no servisu $155,174.

Programa ba água no saneamentu ho nia orsamentu hamutuk $200,793 aloka ba saláriu no vensimentu $92,688, bens no servisu $108,105.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here