Pesoál lixu so’e hela lixu. Imajen/Espesiál

DILI, 09 fevereiru 2022 (TATOLI)–Sekretaria Estadu Ambiente (SEA) liuhosi Diresaun Nasionál Kontrolu Polusaun (DNKP) halo ona akizasaun ba mákina insineradór móvel atu halo halo tratamentu lixu orpitalár.

Diretór Nasionál Kontrolu Polusaun, Nelson Madeira, hateten, prosesu ne’e la’o ona desde tinan kotuk, ho objetivu prinsipál atu kombate lixu hanesan daun, máskara, roupa, nune’e evita lixu ba tasi no esgotu sira, ne’ebé bele estraga ambiente.

“Hosi parte konsórsiu mak manán no daudaun iha ona prosesu, fulan ne’e to’o ona iha Timor-Leste. Mákina móvel ne’e sosa hosi Indonézia ho kustu $70.000,” Diretór Nasionál ne’e informa ba Agência TATOLI, iha ninia knaar fatin, Akait, kuarta ne’e.

Notísia relevante: 2022: Governu hahú implementa sistema lixu ateru kontroladu

Mákina ne’e ho modelu móvel, ho karreta ba rekola lixu ospitalár sira iha ospitál, sentru saúde no klíniku sira ne’ebé iha lixu.

“Mákina ne’e sei keima ka halo rahun lixu ospitalár nian ba lixu B3 ne’ebé mak perigoju,” nia akresenta.

Tuir Diretór, Hafoin halo rahun lixu ho mákina ne’e, sei la tau iha lixeira Tibar, maibé iha empreza balun mak prontu simu atu halo resiklajen.

Jornalista : Arminda fonseca

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here