Komandante PNTL RAEOA, Superintendente, Mateus Assunção Mendes. Imajen Tatoli/Abílio Elo Nini.

OÉ-CUSSE, 09 fevereiru 2022 (TATOLI) – Polísia Nasionál Timor-Leste (PNTL) iha Rejiaun Administrativa Espesiál Oé-Cusse Ambeno (RAEOA) lideradu Superintendente Xefe, Mateus Mendes Assunção, husu apoia Unidade Polísia Froneira (UPF) hodi aseguraseguransa iha eleisaun prezidensiál.

“Ha’u-nia membru efetivu na’in-138 de’it, ha’u sei husu apoiu hosi UPF sira hamutuk na’in-50 atu asegura sentru votasaun no estasaun votasaun sira iha suku 18, nune’e festa demokrasia ne’e ba períodu ida-ne’e la’o ho pás no estabilidade iha territóriu Oé-Cusse,” Mateus Mendes Assunção, koa’lia iha salaun Igreja Numbei, kuarta ne’e.

Maske PNTL RAEOA haoru limitasaun no problema komunikasaun, problema iha membru efetivu menus maibé nu’udar ajente seguransa prontu asegura festa demokrasia ne’e la’o ho susesu.

Dirijente seguransa iha Oé-Cusse ne’e informa, PNTL RAEOA prontu asegura sentru votasaun 60 no estasaun votasaun 88 iha territóriu Oé-Cusse.

Nia fó-sai katak, situasaun ne’e PNTL enfrenta durante tinan barak ona, dala barak laiha meiu ida atu fó garantia, parte PNTL sempre husu apoia iha autoridade RAEOA intermu transporte, nune’e bele hala’o servisu ho efetivu kobre to’o baze.

Maski nune’e, nia tau konfiansa nafatin ba eleitór sira no autoridade komunitáriu mai hosi sub-rejiaun, suku no aldeia, presiza konsiénsia hodi garante seguransa, nune’e iha kampania, eleisaun presidensiál to’o apuramentu remata ho susesu.

Jornalista         : Abílio Elo Nini
Editór               : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here