DILI, 09 fevereiru 2022 (TATOLI)–Governu liuhosi reuniaun Konsellu Ministru (KM), kuarta ne’e, aprova ho alterasaun ba Dekretu-Lei kona-ba Estrutura Orgánika Inspesaun Jerál Traballu (IJT).
Proposta alterasaun ne’e aprezenta hosi Ministru Koordenadór Asuntu Ekonómiku (MKAE), Joaquim Amaral.
“Diploma ne’e ho objetivu atu prosede ba reestruturasaun no reorganizasaun Inspesaun Jerál Traballu, liuhosi ampliasaun ba ninia estrutura orgánika, ho kriasaun ba diresaun nasionál no delegasaun territoriál ne’ebé importante, hodi hasa’e relasaun serbisu ne’ebé sei fiskaliza,” Ministru Prezidénsia Konsellu Ministru, Fidelis Manuel Leite Magalhães, informa, hafoin reuniaun ezekutivu, iha Palásiu Governu.
Notísia relevante: IGT rejista kazu infrasaun hamutuk 221 iha janeiru to’o setembru
Espansaun ne’e tenke kontribui, atu nune’e Estadu bele garante hodi hadi’a kondisaun serbisu ida efetivu ba ema hotu ne’ebé serbisu iha Timor-Leste.
Jornalista : Antónia Gusmão
Editora : Julia Chatarina
