Bernard Collaery. Imajen/Espesiál.

DILI, 08 fevereiru 2022 (TATOLI)—Parlamentu Nasionál, tersa ne’e liuhosi reuniaun plenária aprova votu solidariedade ba Bernard Collaery nu’udar sidadaun Australianu hodi fó rekuñesimentu ba servisu no kontribuisaun sira ne’ebé nia halo ba Timor-Leste iha tempu rezisténsia no ukun an.

Notísia Relevante: Karta Husi Bernard Collaery: “Ha´u Sei Kontinua Ajuda Imi”

“Rezultadu votasaun ba votu solidariedade ba Bernard Collaery a-favór 50 kontra no abstensaun zero,” Prezidente Parlamentu Nasionál, Deputadu Aniceto Longuinhos Guterres Lopes, deklara iha sala plenária Parlamentu Nasionál.

Deputadu proponente, José Agostinho Sequeira ‘Somotxo’, hateten votu solidariedade ne’e ho intensaun responde servisu sakrefisíu sira durante ne’e hosi halo ona hosi Bernard Collaery ho nia maluk sira ba Timor-Leste.

Nia dehan, hanesan iha segundu guera mundiál durante povu Austálianu fó apoiu ba Timor-Leste no iha tinan 1975 Bernard ho ninia maluk Australianu sira forma asosiasaun ida iha Austrália ba kampaña indepedensia Timor-Leste nian hodi defendepovu maubere nia direitu hodi kontra invazaun okupasaun ilegál Indonézia.

Notísia Relevante: Xanana Sei Defende Witness K no Bernard Collaery iha Tribunál Austrália

Iha 1989, Ministéiru Negósiu Estranjeiru Austrália ho Indonézia asina akordu atu explora Timor Gap ita-nia mina rai maibé Bernard ho grupu hatama keixa ba Tribunál Internasionál hodi akuza akordu ilegál tanba pertense liu ba Timor-Leste nia direitu.

Iha tempu ukun an, nia kontinua luta ba problema fronteira marítima hodi defende ka deskobre kazu espionazen iha TL ligadu estratéjia sira kona-ba Certain Maritime Arrangements in the Timor Sea (CMATS) ne’ebé konsege negósiu ho Austrália.

Maibé, Deputadu Somotxo hateten, aktu solidariedade simples no la interfere prosesu justisa ne’ebé daudaun la’o hasoru Bernard Collaery.

“Tanba ita hanesan ne’ebé de’it labele interfere asuntu justisa iha kada nasaun ne’ebé ita liuhosi votu aktu solidariedade simples hodi fó ba nia sakrifisíu sira durante ne’e,” nia dehan.

Notísia Relevante: MKOTT: Kazu Bernard Collaery Ho Witness K Parte Integrante Husi Luta Fronteira Marítima

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here