Ministru Defeza, Filomeno da Paixão de Jesus. Imajen TATOLI/Francisco Sony

DILI, 09 fevereiru 2022 (TATOLI)–Ministru Defeza (MD), Filomeno da Paixão de Jesus, hateten, nomeasaun ba Vise-Xefe Estadu Maiór Jenerál FALINTIL-Forsa Defeza Timor-Leste (F-FDTL) hein desizaun Prezidente Repúblika (PR), Francisco Guterres ‘Lú Olo’.

“Proposta ne’e Konsellu Ministru aprova ona no haruka ona ba Prezidente Repúblika, maibé atu deside ne’e Prezidente Repúblika, entaun Prezidente nia hanoin oinsá ita respeita,” Ministru Defeza informa hafoin ramata reuniaun ho Primeiru-Ministru (PM), Taur Matan Ruak, iha Rezidénsia Farol, tersa ne’e.

Notísia relevante: Governu aprova proposta ezonerasaun no nomeasaun kargu xefia F-FDTL

Enkuantu, iha 21 janeiru 2022, Governu liuhosi desizaun koletiva Konsellu Ministru, aprova proposta ezonerasaun no nomeasaun ba kargu xefia F-FDTL, ne’ebé hosi proposta ne’e inklui nomeasaun ba Vise-Xefe Estadu Maiór Jenerál F-FDTL, mak nomeasaun Brigadeiru Jenerál Calisto dos Santos Coli ‘Coliati’, ba kargu Vise-Xefe Estadu Maiór Jenerál Forsa Armada.

Nune’e mós, mantein nomeasaun Komodoru Pedro Klamar Fuik, ba Kargu Xefe Estadu Maiór Forsa Armada.

Jornalista : Antónia Gusmão

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here