Sekretáriu Jerál Interinu Federasaun Futeból Timor-Leste (FFTL) Frederico Martins

DILI, 08 janeiru 2022 (TATOLI)— Sekretáriu Jerál Interinu Federasaun Futeból Timor-Leste (FFTL), Frederico Martins, informa, hafoin hala’o jogu amigavél ho Indonézia iha semana kotuk, halo jogadór Timor-Leste na’in-sia mak pozitivu ba COVID-19, ne’ebé daudaun auto-kuaretena hela iha Bali-Indonézia.

“Ita iha semana hira ba kotuk hala’o jogu amigavél ho Indonézia hodi prepara ita nia jogadór sira atu ba kompete iha jogu AFF U-23 ne’ebé sei hala’o iha Kamboja. Maibé hafoin remata jogu iha jogadór na’in-sia mak pozitivu COVID-19, ne’ebé daudaun sira auto kuaratena hela hodi hein teste tuir mai mak haree fali rezultadu negativu bele kontinua ba Kamboja, maibé pozitivu nafatin labele bá no sei fila-fali mai Timór,” Sekertáriu Jerál Internu ne’e, hateten ba Agência TATOLI iha edifisiu FFTL Dili, tersa ne’e.

Notísia relevante:  Selesaun nasionál U-23 hahú prepara-an partisipa AFF CUP 

Maski, nia dehan jogadór na’in-sia afetadu COVID-19, maibé la fó impaktu ba Timor -Leste nia partisipasaun tanba jogadór hamutuk na’in-27 mak preparadu atu ba kompete iha eventu internasionál ne’e.

Nune’e, nia dehan labele fó sai jogadór na’in-sia ne’ebé pozitivu COVID-19 tanba sei hein teste ikus mak rezultadu hatudu negative, jogadór sira bele ba partisipa jogu ne’e.

Notísia relevante:  Timor-Leste tama grupu A iha AFF CUP 2022

“Ita nia jogadór hamutuk 27, ne’ebé na’in-sia mak pozitivu seluk sei bele ba atu joga. Tanba ami simu informasaun hosi treinadór katak ita nia ekipa preparadu ona atu ba joga,” nia garante.

Tuir oráriu, ekipa Selesaun Nasionál Timor-Leste arranka hosi Bali-Indonézia bá Kamboja , iha loron 11 fevereiru, nune’e iha 14 fevereiru hahú abertura AFF CUP to’o loron 26 fevereiru.

Notísia relevante:  TL la konsege konkista vitória iha jogu amigavél kontra Indonézia

Jornalista: Hortencio Sanchez

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here