Eleitór ida tau hela tinta ba nia liman fuan hafoin vota iha Eleisaun Prezidensial 20 marsu 2017. Imajen TATOLI/Antonio Gonçalves.

DILI, 07 fevereiru 2022 (TATOLI)—Diretór Jerál Sekretariadu Tékniku Administrasaun Eleitorál (STAE), Acilino Manuel Branco, hateten tinta indelevél 12.600 garafa sei uza ba eleisaun prezidensiál 2022 iha primeira volta no segunda volta nian.

Notísia Relevante: Governu aprezenta kalendáriu tentativa realiza eleisaun prezidensiál iha 18 marsu

“Tinta to’o ona Timor-Leste, ita halo preparasaun depois tempu badak parte Programa Nasaun Unida ba Dezenvolvimentu (PUND) sei halo hand over ba iha STAE no hosi tinta indelevél 12.600 ita uza ba eleisaun primeira volta no segundu volta nian tanba ho kuantidade ne’ebé boot ona,” Diretór Jerál STAE ne’e hateten ba Agência TATOLI, iha nia knaar fatin Caicoli, Dili, segunda ne’e.

Orsa ne’e daudaun, nia dehan, teknikamente STAE sei halo preparasaun hela nune’e bele distribui ba munisípiu sira inklui Rejiaun Administrativa Espesiál Oé-Cusse Amebeno (RAEOA).

Diretór STAE ne’e hateten, tinta 12.600 garafa no ninia utilizasaun ba kada garafa iha mililitru rihun 50 ho osan $360.000 ne’eb’e sosa iha Dinamarka.

Ida-ne’e halo no iha akordu entre Governu Timor-Leste ho PNUDD maibé Governu mak tau osan no nia prsoesu akizisaun ho nia aprovizionamentu liuhosi PNUD, no sasán hirak ne’e to’o ona iha Timor-Leste no iha tempu badak sei entrega ba STAE.

Tinta indelevél ne’e sei uza ba eleisaun nu’udar seguransa efetivu ida atu evita votante ne’ebé mak vota dubru.

Entretantu, nia dehan, kona-ba materiál la’ós sensitivu ne’e STAE haruka ba munisípiu sira maibé ba diáspora nian nia prosesu la’o ketak.

“Depois iha loron 14 ka 15 marsu 2022 materiál sira sei transporta hotu ba munisípiu inklui diaspora. Depois iha ne’ebá entre loron haat ka lima hodi halo verifikasaun no pakotemente halo nesesidade kada sentru ida-ida nian depois loron 18 marsu mak foin halo distribuisaun ba sentru votasaun ida-ida nian, nuen’e iha loron 19 tama ba prosesu eleisaun ka utiliza ba eleisaun,” nia dehan.

Maibé bainhira proponente ba Prezidente Repúblika verifika hotu ona mak STAE sei halo preparasaun ba ida-ne’e no to’o iha sesta (4/02) semana kotuk ne’e, STAE konklui hotu ona proponente ka kandidatu Prezidente Repúblika (PR) hamutuk 10 hela rua maibé oras tan parese verifika hotu ona depois hein tan sira seluk.

Notísia Relevante: CI koordena ona ho STAE kona-ba kobertura iha eleisaun prezidensiál

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here