Sekretáriu Estadu Kooperativa, Elizário Ferreira. Imajen TATOLI/Francisco Sony

DILI, 07 fevereiru 2022 (TATOLI)–Sekretáriu Estadu Kooperativa (SEKoop), Elizário Ferreira, hahú ohin tama serbisu, hafoin baixa no hetan tratamentu intensivu iha Hopital Nasional Guido Valadares (HNGV) tanba sofre moras raan-midar.

“Sekretáriu Estadu Kooperativa, hafoin baixa loron-10 iha HNGV, alta iha loron 02 fevereiru no ohin hahú tama serbisu normál,” Asesoria Imprensa SEKoop, Macabeus dos Reis, hateten ba Agência TATOLI, via telefónika, segunda ne’e.

Notísia relevante: SECoop Elizário Ferreira baixa iha HNGV

Nia haktuir, maski Sekretáriu Estadu ohin tama fali ona serbisu, maibé nafatin hetan akompañantu hosi médiku sira, ne’ebé autoriza Sekretáriu Estadu tama serbisu loron ida oras haat de’it (08:00-12:00) durante fulan-tolu.

Nune’e mós, liuhosi pájina Sekretáriu Estadu agradese ba apoiu entidade hotu durante nia halo tratamentu intensivu.

“Ba imi hotu, laiha murak mean ida mak ha’u atu fó, tanba ho orasaun Nai Maromak haraik nafatin isin di’ak hodi hala’o knaar hotu ho di’ak, hodi serví sosiedade no nasaun,” nia dehan.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here