Governu harii Uma Kbiit Laek ba ema kbiit laek sira iha suku Holarua-Manufahi. Imajen/Midia PNDS.

COVALIMA, 07 fevreiru 2022 (TATOLI)—Programa Nasionál Dezemvolvimentu Suku (PNDS) Covalima seidauk finaliza konstrui Uma Kbiit Laek (UKL) 90, tanba impede hosi tranferénsia orsamentu tarde no implementa serka sanitária (SS) iha Timor-Leste.

Notísia Relevante: PNDS sei harii uma kbiit-laek 90 iha Covalima

“Konstrusaun UKL  90 ba família vulneravél nia progresu, ami rekuñese ita atrazadu iha implementasaun tanba tranferénsia orsamentu tarde no aplika serka sanitária hodi impede implementasaun la konklui 100% iha tinan 2021,” Diretór PNDS Covalima, Filipe Cardoso, hateten ba Agência Tatoli iha nia servisu fatin, Santa Rosa, segunda ne’e

Nune’e, PNDS Covalima kontinua implementa UKL iha tinan 2022 ho nia progresu implementasaun hodi halo konstrusaun agora foin mak atinje 67,80% no ekipa jestaun suku 30 kontinua esforsu nafatin hodi halo konstrusaun.

Konstrusaun UKL nia persentazen foin atinji 67,80% tanba iha suku balun konstrusaun foin atinje 80% no 90% no konstrusuan UKL iha postu administrativu Zumalai, suku Lour, aldeia Nagidal, aban Vise Ministru Administrasaun Estatál (MAE) sei inaugura.

Konstrusaun UKL 90 iha postu administrativu Zumalai iha suku Lepo mak seidauk halo konstrusaun UKL ba família vulneravél tanba la asesu estrada.

Bazea ba matadalan siklui implementasaun UKL to’o iha etapa 10 ne’ebe bainhira orsamentu hosi fundu infraestrutura tranfere ona ba konta bankaria suku.

“Ami halo ezekusaun etapa 10 refere, ita la’o bazea ba etapa molok halo implementasaun ami halo sensibilizasaun iha suku no nivel aldeia, hafoin halo identifikasuan ba benefisiariu, halo levantementu  tékniku kada uma ne’ebé mak atu halo konstrusaun hafoin tékniku sei halo dezeñu foin tama iha prosesu aprovizionamentu no movilizasaun trabaldór,” nia hateten.

Tuir relatóriu hosi PNDS Covalima hatudu katak implementasaun UKL 90 no hosi númeru ne’e uma 52 taka kalen no pinta ona, balun foin tau sinta jerál ne’ebé ho tipu uma 48 ho kuartu tolu (3) ho medida 37 ho kuartu rua (2).

Ekipa Programa Dezenvolvimentu Nasionál Suku konstrui uma kbiit laek (UKL), iha munisípiu Covalima hamutuk unidade 90 ne’ebé implementa iha suku 30 ne’ebé pertense ba postu administrativu  hitu (7) ho totál orsamentu hamutuk $1,491,.000.

Jornalista : Celestina Teles

Editór       : Cancio Ximenes.

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here