Klibur Profesionál Eduksaun (KPE) realiza konferesia impresa hodi apoiu Armanda Beta dos Santos sai PR 2022-2027. Iha salaun Esperansa Delta Dili, domingu (06/02). Imajen Tatoli/Francisco Sony

DILI, 06 fevereiru 2022 (TATOLI)—Klibur Profesionál Edukasaun (KPE), iha domingu ne’e, deklara hodi fó apoiu ba kandidatura Prezidente Repúblika periodu 2022 to’o 2027, Armanda Berta dos Santos atu sai Prezidente Repúblika hodi ukun nasaun no povu tuir konstituisaun RDTL.

Prezidente Klibur Profesionál Edukasaun, Teodoro Soares, hateten sira fó apoiu ba kandidatu PR Armanda Berta dos Santos, tanba konsidera feto ida ne’ebé iha kapasidade intelektuál atu lidera nasaun.

Notísia Relevante :Armanda Berta kandidata an ba PR hametin Estadu direitu demokrátiku

“Ami Klibur Pofesionál Edukasaun hahú hosi nasionál to’o aldeia hanesan hosi Lopaloos to’o Oé-Cusse ami konsidera Armanda Berta dos Santos merese sai Prezidente Repúblika periodu 2022-2027,” nia hateten durante konferénsia imprensa iha Salaun Esperansa Delta Dili.

Tuir nia Armanda Berta dos Santos, feto ida simples no iha vontade atu luta kontra violénsia doméstika iha Timor-Leste.

“Ita mai atu lori pas no estabilidade, unidade nasionál hametin seguransa no hametin relasaun esterna di’ak ho nasaun vizinu Austrália, Indonezia, ASEAN no Komunidade País Língua Portugés (CPLP, sigla portugés),” nia tenik.

Tuir Konstituisaun RDTL Artigu 74.o (Definisaun)

1. Prezidente-Repúblika maka Xefe-Estadu, símbulu no garantia independénsia nasionál no unidade Estadu nian, no instituisaun demokrátika sira-nia funsionamentu regulár .
2. Prezidente-Repúblika maka Komandante A’asliu Forsas Armadas nian.

No iha Artigu 75.o (Elejibilidade)
1. Bele tuir kandidatura ba Prezidente Repúblika sidadaun timoroan sira-ne’ebé, iha ilas hotu tuirmai ne’e:

a) Sidadaun nanis;
b) Iha tinan mínimu 35;
c) Ho kapasidade di’ak;
d) Ne’ebé hetan proposta husi sidadaun hili-na’in mínimu nain rihun lima.
2. Prezidente-Repúblika kaer mandatu to’o tinan lima nia laran no ninia knaar remata wainhira Prezidente foun simu pose.
3. Prezidente-Repúblika nia mandatu bele hetan renovasaun dala-ida de’it.

Notísia Relevante :Kandidata Armanda Berta hahú rejista iha TR

Jornalista : Francisco Sony

Editór : Agapito dos Santos

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here