Komandante Jerál PNTL, Komisáriu, Faustino da Costa. Imajen Tatoli/Egas Cristovão.

DILI, 03 fevereiru 2022 (TATOLI) – Komandante Jerál Polísia Nasionál Timor-Leste (PNTL), Komisáriu Faustino da Costa, fó-sai katak deklarasaun konjunta entre lider arte-marsiál Ikatan Keluarga Silat Putera Timor-Leste (IKS PTL) ho arte rituál 77 liuhosi asinatura hodi kontra membru sira Evita konflitu iha sosiedade.

“Loos duni iha loron hirak liubá dalaruma sai preokupasaun ida-ne’ebé, maibé depois ita halo atuasaun ida no bolu kedas lider hosi arte-marsiál Kera Sakti ho arte rituál 77 sira mak halo deklarasaun  depois iha prezensa polísia,” Komisáriu Faustino relata ba jornalista sira hafoin sorumutu ho  Prezidente Repúblika, Francisco Guterres ‘Lú Olo’, iha edifísiu Palásiu Prezidensiál Nicolau Lobato, Bairru-Pité, kinta ne’e.

Deklarasaun konjunta ne’e hala’o relasiona ho problema ne’ebé akontese iha Maslidun, Tasi-Tolu entre arte-marsiál no arte rituál ne’e.

PNTL mós husu lider arte-marsiál hodi avizu ba membru sira nune’e laiha tán atividade sira hanesan provoka malu hodi kria konflitu ka problema.

“Ita bolu ko’alia ona ho sira no sira aseita halo deklarasaun no sira rasik aviza ba membru sira hodi hakalma no kontrola. Tán ne’e bainhira la kontrola mak ami sei rekomenda ba Governu labele legaliza,” nia hateten.

Komisáriu Faustino, dehan kazu konfrontu Masilidun, Tasi-Tolu detein ona ema lubun iha hela sela Komandu PNTL munisípiu Dili hodi hein submete ba interrogatóriu dahuluk iha Tribunál.

PNTL kontinua mantein vijilánsia operasaun sira iha kapitál Dili hodi asegura seguransa hakmatek ba movimentasaun komunidade iha tempu kalan.

Notísia relevante: PNTL identifika suspeitu na’in-10 envolve konfrontu iha Tasi-tolu

Jornalista         : Nelson de Sousa

Editór               : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here