Diretór Manajementu Negósiu Downstream, Francelino Boavida. Imajen TATOLI/Francisco Sony

DILI, 03 fevereiru 2022 (TATOLI)–Timor Gás no Petróleu, Empreza Públika (Timor GAP, E.P) sei fornese gazoel hamutuk litru millaun 33 ba sentrál elétrika Betano durante tinan 2022 nia laran.

Iha tinan 2020, Timor GAP, E.P selebra kontratu ho Eletricidade de Timor-Leste, Empreza Públika (EDTL, E.P), ne’ebé fó lote III iha sentrál elétrika Betano, hodi fornese mina ba períodu tinan-tolu (2021-2023).

“Ami konklui ona iha tinan 2021, ho fornesementu gazoel litru millaun 30 ba Betano no sei falta tinan rua hodi konklui. Nune’e tinan 2022 sei fornese gazoel litru millaun 33, no tinan 2023 bazeia ba kalendáriu entre litru millaun 34 to’o 36,” Diretór Manajementu Negósiu Downstream Timor GAP, E.P, Francelino Boavida, informa ba jornalista sira iha CBD 2 Timor-Plaza, kinta ne’e

Notísia relevante: EDTL-Timor GAP konklui deskargamentu mina ba sentrál elétrika Betano

Iha loron 30 setembru, Konsellu Ministru aprova alterasaun projetu dekretu-lei kona-ba partisipasaun Timor GAP, E.P, hodi fornese kombustível ba EDTL, E.P iha sentrál elétrika Betano, nune’e permite fornesimentu nesesáriu no asegura funsionamentu sentru produsaun eletrisidade.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here