Kandidatura Prezidente Repúblika tinan 2022-2027 hosi Prtidu Repúblika Demokrátiku Timor (PDRT), Anacleto Bento Ferreira. Imajen Tatoli/Francisco Sony

DILI, 03 janeiru 2022 (TATOLI)— Partidu Demokrátiku Repúblika Timor (PDRT), rejista ona nia kandidatura Prezidente Repúblika 2022-2027, Anacleto Bento Ferreira, iha Tribunál Rekursu hodi konkore iha Eleisaun Prezidensiál ne’ebé realiza iha 19 marsu tinan ne’e.

“Dokumentu ne’ebé PDRT submete ba Tribunál Rekursu hotu-hotu prenxe ona kriteiru, no ami konsege rejista ona ami nia kandidatura Anacleto Bento hodi bele konkore iha Eleisaun Prezidensiál,” Portavóz Ekipa Susesu Mateus Boromeu, hateten ba jornalista sira iha Tribunál Rekursu-Caicoli,  kinta ne’e.

Notísia relevante: PDRT deside kandidata Anacleto Bento kompete Eleisaun Prezidensiál 2022-2027

Tuir nia, totál apoiante ne’ebé fó apoiu ba kandidatura Anacleto Bento, hodi rejista iha Tribunál Rekursu hamutuk 6.000–resin.

“Totál apoiante sira ne’e mai hosi 12 munsipiu inklui Rejiaun Administrativu Espesiál Oé-cusse no Ambeno (RAEOA). Hosi apoiante sira ne’e barak liu mai hosi munisípiu Dili, Ermera, Bobonaro, Ainaro no Covalima,” nia afirma.

PDRT konfia an hodi kompete eventu demokrátiku ne’e tanba ho apoiante mai hosi simpatizante no militante partidu nian no sidadaun sira.

“Manán ou liu ka la liu ne’e fila-fali ba povu, depende liuhosi eleisaun, maibé ita mai ho komitementu no esperansa atu kompete katak ita tenke manán,”portavóz ekipa susesu  ne’e garante.

Enkuantu, kampaña ba kandidatu Anacleto Beto Perreira sei hahú uluk iha postu administrative Atabae, munisípiu Bobonaro.

Notísia relevante: Kandidatu Virgílio Guterres no Constáncio Pinto rejista iha Tribunál Rekursu

Jornalista: Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here