Kandidatu Prezidente Repúblika períodu 2022-2027, Martinho Germano da Silva Gusmão. Imajen TATOLI/Egas Cristóvão.

DILI, 03 fevreiru 2022 (TATOLI)—  Kandidatu Prezidente Repúblika Independente 2022-2027, Martinho Germano da Silva Gusmão, rejista ona iha Tribunál Rekursu hodi kompete iha Eleisaun Prezidensiál ne’ebé realiza iha 19 marsu tinan ne’e.

“Ami konfirmadu rejistradu ona Martinho Gusmão nuudar kandidatura ba Prezidente Repúblika períodu 2022-2027,” Koordenadora Jerál Ekipa Susesu, Olinda Fernandes Barreto, hateten ba jornalista sira iha Tribunál Rekursu, Caicoli, Kinta ne’e.

Notísia relevante: Kandidatu PR Lú-Olo rejista ona iha Tribunál Rekursu

Koordenadora Jerál Ekipa Susesu, Olinda Fernandes Barreto.imajen/ Natalino Costa

Apoiante ka proponente ne’ebé fó apoia ba kandidatura ne’e mai hosi 12 munisípiu inklui Rejiaun Administrativa Espesiál Oé-Cusse no Ambeno (RAEOA) hamutuk 10.000.

“Ho apoiante ida ne’e, ami lori Martinho Gusmão kandidata no mai rejista iha Tribunál Rekursu  hodi kompete iha festa  demokrásia iha loron 19 marsu, nune’e  ami iha esperansa boot atu manán,” Olinda espera.

Nia dehan kandidatu Prezidente Repúblika Martinho Guumão hetan apoia hosi Partidu Unidade Dezenvolvimentu Demokrátiku (PUDD).

“Ami hetan forsa polítiku hosi Partidu  Politiku PUDD,” nia afirma.

Notísia relevante: Kandidatu Virgílio Guterres no Constáncio Pinto rejista iha Tribunál Rekursu

Jornalista: Natalino Costa

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here