Prezidente INSS, Longuinhos Armando Leite. Imajen TATOLI/Egas Cristóvão

DILI, 03 fevereiru 2022 (TATOLI)—Governu liuhosi Institutu Nasionál Seguransa Sosiál (INSS) selu ona entidade empregadór no fakultativu sira hamutuk 25.302 ho osan $9,782,000.

Notísia Relevante: INSS sei konklui pagamentu ba entidade empregadór-fakultativu iha fevereiru

“INSS selu ona osan hamutuk $9,782,000 ba ita-nia entidade empregadór no fakultativu  hamutuk 25.302, kompostu hosi entidade empregu ne’e hamutuk 1.239, apoiu ba eletresidade empreza ne’e hamutuk 658, apoiu renda ka aluga hamutuk 246, apoiu direta ba traballadór sira mak 15.175, dispensa kontrutivu mak 463 no ba fakultativu hamutuk 8.887,” Prezidente INSS, Longuinhos Armando Leite, hateten ba Agência TATOLI, iha nia knaar fatin Caicoli, kinta ne’e.

Pagamentu ba entidade fakultativu ho empregadór sira-nian kontinua la’o hela tanba orsamentu ne’ebé mak hodi selu la fó impaktu, tanba osan ne’e mai hosi fundu COVID-19 nian.

“Tanba ne’e ami nafatin verifika hela dadus tuan sira-ne’ebé mak hatama ona iha INSS. Bainhira INSS verifika hotu mak foin dehan ramata ka finaliza ona,” nia dehan.

Hosi osan $22,650,000 mak Institutu Nasionál Seguransa Sosiál (INSS) ezekuta ona ne’e ho saldo hela mak $12,867

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here