Atividade orientasaun iha ESJ 04 Setembru Viqueque. Imajen/Espesiál

DILI, 02 fevereiru 2022 (TATOLI)-Sekretáriu Komisaun Organizadora estudante foun, Roberto dos Santos, informa, tinan akadémiku 2022, Eskola Sekundáriu Jerál (ESJ) 04 Setembru Viqueque simu ona estudante foun hamutuk na’in-359.

“Ami hahú ona  orientasaun ba estudante foun  sira, molok hahú ensinu prezensiál iha eskola sekundáriu 04 Setemebru Viqueque,” Roberto dos Santos, hateten ba Agência TATOLI, via telefónika, kuarta ne’e.

Objetivu hosi orientasaun ne’e atu hasa’e koñesimentu no mentalidade estudante sira iha nível ensinu sekundáriu no bele hatene liután prosesu apredizajen.

“Orientasi  ne’ebé  ami fó ba estudante foun sira maka foka liu ba área parada ninian. Tanba kada tinan atividade ne’e mak sai prinsipál,” nia akresenta.

Hosi parada, komisaun mós fó formasaun edukasaun sivika hosi parte  edukasaun liuhosi diresaun eskolár, munisípiu Viqueque, saúde, inklui  Polísia Nasionál Timor-Leste (PNTL) Viqueque ba estudante foun sira.

“Ami-nia eskola ne’e hanesan eskola públiku. Iha postu Viqueque villa iha eskola sekundáriu tolu no tékniku vokasional ida. Entaun kada tinan ami simu estudante foun sempre limitadu, tanba ne’e karik iha futuru iha estudante barak, parte eskola sei foti alternativu hodi halo turnu hanesan dadeer no lorokraik,” nia dehan.

Estudante foun hamutuk na’in-359, kompostu hosi mane na’in-180 no feto na’in-179 mak partisipa iha atividade orientasaun hahú iha loron 31 janeiru to’o 02 fevereiru. 

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here