DILI, 01 fevereiru 2022 (TATOLI)—Ministeriu Saúde (MS) relata evolusaun COVID-19 iha Timor-Leste ba ohin loron, ne’ebé rejista kazu detetadu foun 159, rekuperadu tolu no kazu ativu 237.
“Nune’e, hahú loron 21 marsu 2020 to’o 01 fevereiru 2022, kumulativu kazu konfirmadu hamutuk 20.105 no óbitu 122,” Diretora Jerál Prestasaun Saúde iha MS, Odete da Silva Viegas, hateten liuhosi nota ne’ebé Agência TATOLI asesu, tersa ne’e.
Hosi horiseik mai ohin, Laboratóriu Nasionál Saúde halo teste PCR hamutuk 783, kompostu hosi vijilánsia sentinela laiha, rastreiu ba kontaku 95, rastreiu aleatóriu 603, viajen internasionál 85, no follow up iha kuarentena laiha.
Notísia Relevante: COVID-19: kazu pozitivu foun 29 no ativu 72
Aleinde ne’e, totál teste PCR ne’ebé halo iha loron 31 janeiru 2022 iha munisípiu seluk inklui Rejiaun Administrativa Espesiál Oé-cusse no Ambeno (RAEOA) no Hospital Nasional Guido Valadares (HNGV) hamutuk 37, kompostu hosi Maubisse laiha, Maliana 18, Viqueque laiha, Suai laiha, Baucau lima , Ermera laiha, RAEOA 19, HNGV laiha, Lautém laiha, Vera Cruz laiha.
Populasaun elijível tinan 18 ba leten, ne’ebé simu ona vasina to’o iha loron 01 fevereiru 2022, tuir sistema informasaun Saúde iha MS, hanesan kumulativu doze dahuluk iha Dili 87,9% no kumulativu doze daruak iha Dili 82,3%.
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,2% no simu ona doze daruak 70,8%.
Nune’e, insidénsia COVID-19 iha Timor-Leste durante loron hitu ikus maka 0,5/100 mil abitante
Iha loron 01 fevereiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu lima, moderadu tolu, no kama’an rua.
Jornalista : Felicidade Ximenes
Editora : Julia Chatarina
