Organizasaun masa Os Verdes de Timor, realiza konferénsia nasionál hodi apoiu ba kandidatura Prezidente Repúblika tinan 2022-2027. Iha salaun Katedral Dili, domingu (30/01). Imajen Tatoli/Francisco Sony

DILI, 30 janeiru 2021 (TATOLI)— Prezidente Organizasaun Masa Os Verde de Timor, António Lela Huno, hateten, seidauk deside atu apoia kualkér kandidatu ruma, tanba dezisaun koletiva sei deside liuhosi reuniaun alargada nasionál ne’ebé hala’o iha Tasi-Tolu iha loron 12 fevereiru tinan ne’e.

“Loron 12 fevereiru hanesan data ida ne’ebé maka ita bo’ot sira hatene, ami sei halo reuniaun alargada nasionál iha Tasi-Tolu. Ha’u fiar buat hotu hetan konkluzaun atu Os Verdes sei deklara ka anúnsiu hodi apoia ba kandidatu ida ne’ebé,” Prezidente Os Verde de Timor ne’e hateten, ba jornalista hafoin ramata reuniaun iha Salaun São José Catedrál-Bebora, domingu ne’e.

Notísia relevante: PDRT deside kandidata Anacleto Bento kompete Eleisaun Prezidensiál 2022-2027

Prezidente interinu partidu Os Verdes de Timor-Leste, Lela Huno. Imajen TATOLI/Francisco Sony

Iha reuniaun ne’e, dirijente Os Verdes de Timor fó kompeténsia ba Prezidente hodi hahú halo komunikasaun polítika ho kandidatu nain tolu, hanesan Ramos Horta, Francisco Guterres Lú Olo no kandidatu Eis Xefe Estadu Maiór FALITIL-Forsa Defeza Timor-Leste (F-FDTL), Tanente Jenerál Lere Anan Timur.

“Ami atu hahú halo ona komuniaksaun hodi rona opiniaun kandidatura idak-idak, molok deside ami nian apoiu,” nia akresenta.

Nune’e, nia dehan iha tempu besik halo komunikasaun ho lideransa ou kandidatura sira ne’ebé mak rejista ona hanesan, ita nian Aman Ramos Horta, ita nian aman kamarada Lú-Olo no apa Lere Anan Timur. Ha’u hanoin komunikasaun ne’e atu deside apoia se nia kandidatura hodi la’o ba oin,” nia konklui.

Notísia relevante:   Kandidatu Ramos Horta rejista ona iha Tribunál Rekursu

Jornalista: Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here