DILI, 28 janeiru 2022 (TATOLI)—Prezidente Rejiaun Administrativa Espesiál Oe-Cusse Ambeno (RAEOA), Arsénio Paoxão Bano, garante Ró Haksolok sei mai iha Timor-Leste tanba daudaun ne’e nia prosesu la’o hela.
Notísia Relevante: PN aprova millaun $127 ba RAEOA inklui millaun $14 finaliza Ró Haksolok
“Ró Hakslok ne’e ita agora halo rekuperasaun estaleiru ho ró ne’e rasik tanba ne’e mak servisu la’o dada’uk bele hadi’a roo ne’ebé iha fulan tolu hahú janeiru rekupera estaleiru hafoin ne’e hadia roo nune’e garante sei mai,” Prezidente RAEOA, Arsénio Paixão Bano, hateten ba jornalista sira iha Parlamentu Nasionál, sesta ne’e.
Nia dehan, ró Haksolok ne’e uluk Governu anteriór ne’e eis Ministru Petro Lay mak asina kontratu ne’ebé ezekuta projetu mak primeiru Prezidente RAEOA nia ezekusaun to’o 80%, maibé iha problema krize ekonomia iha Portugal, mudansa lideransa autoridade RAEOA no situasaun COVID-19 .
Arsénio Paixão Bano hateten, hanesan Prezidente Autoridade RAEOA foun Estadu investe ona 80% ba ró Hakslok nune’e iha obrigasaun atu halo hotu servis, tanba ida-ne’e mak responsavilidade atu halo hotu ho apoiu Governu sentrál nian.
Notísia Relevante: Marí Alkatiri entrega asuntu ró Haksolok ba Prezidente Autoridade RAEOA
PN sei kria ekipa fiskaliza Ró Haksolok
Jornalista : Nelson de Sousa
Editór : Cancio Ximenes
