Kondisaun sala aula Eskola EBF suku Railaco Kraik. Imajen TATOLI/Natalino Costa

DILI, 28 janeiru 2020 (TATOLI)—Konstrusaun no reabilitasaun sala aula 63 iha eskola 18 iha Ermera tama ona iha planu projetu komunitáriu, ne’ebé ninia prosesu hahú ona ho totál kustu $1.308.614,22.

“Ita-nia eskola 13 ne’e, ninia prosesu konstrusaun la’o daudaun ona, enkuantu eskola balun ke’e ona no balun komesa hatama ona rai henek, maibé iha eskola lima maka seidauk tanba dalan ladi’ak inklui distánsia dook,” Diretór Servisu Edukasaun Ermera, Eduardo Martins, informa ba Agência TATOLI, via telefónika, sesta ne’e.

Notísia relevante: Eskola 197 asina ona kontratu projetu komunitáriu hadi’a eskola

Dirijente ne’e konsidera, ida-ne’e hanesan pasu di’ak tebes hodi hahú valoriza valór edukasaun, tanba setór ne’e nu’udar xave importante atu garante rekursu umanu ho kualidade iha dezenvolvimentu país ne’e.

“Ministériu Edukasaun Juventude no Desportu liuhosi Diresaun Nasionál Dezenvolvimentu Parque Eskolár fó tempu fulan-tolu de’it ba grupu komunitáriu hodi implementasaun projetu komunitáriu, maibé tenke ezekuta ho responsabilidade,” nia akresenta.

Orsamentu ba konstrusaun no reabilitasaun sala aula 651 iha eskola 197 iha territóriu nasionál prevee ona ho orsamentu $20.274.586,97, ne’ebé fundu ne’e mai hosi Orsamentu Jerál Estadu (OJE) 2021.

Jornalista : Tomé Amado

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here