Espoza Prezidente Repúblika (PR), Cidália Lopez Nobre Mouzinho Guterres. Imajen/GAAC-PR

DILI, 28 janeiru 2022 (TATOLI)—Espoza Prezidente repúblika, Cidália Lopes Nobre Mouzinho Guterres, hateten loron mundiál lepra ne’ebé monu iha 30 janeiru ne’e Timor-Leste selebra iha 28 janeiru iha Bobonaro ne’e hanesan biban di’ak ida atu bele hafanun ema barak ba haforsa kompromisiu luta ba halakon moras lepra iha mundu.

Notísia Relevante: Aban, MS selebra loron mundiál lepra iha Bobonaro

Selebrasaun ho tema “United for Dignity ka Unidade ba Dignidade ne’e, nia dehan, atu asegura dignidade ema afetadu moras lepra sira atu labele iha diskriminasaun no stigma iha sosiedade, tanba ne’e husu ba Governu liu-liu profisionál saúde sira atu bele tau matan ba moras lepra iha Timor-Leste.

“Nu’udar Esposa Prezidente Repúblika no hanesan Inan no Feto timor-oan, ha’u konsiente mós ho situasaun moras lepra ne’ebé nafatin deteta iha ita-nia rai Timor-Leste no situasaun defisil ne’ebé maluk afetadu moras lepra hasoru. Ho nune’e, ha’u hato’o ha’u-nia mensajen katak ita hotu tenke kontinua servisu makaas hodi halo sensibilizasaun moras lepra ba komunidade no família tomak no husu Governo no Profesional Saúde sira atu bele provida servisu saúde ne’ebé holistiku inklui tau matan ba moras lepra,” refere komunidade imprensa ne’ebé Agência Tatoli asesu, segunda ne’e.

Espoza Prezidente Repúblika apela ba ema sira-ne’ebé afetadu moras lepra ne’e katak sira la moris mesak, tanba hamutuk ho ema sira-ne’ebé iha nia kompaisaun ba ema moras lepra sira prontu apoia bainhira ema moras lepra sira nakloke atu hakbesik ba ema seluk.

“Ba ita-nia komunidade hotu iha Timor-Leste atu hatoman an ho hahalok buka asisténsia saúde ho sedu liu mak di’akliu molok mosu kondisaun moras sai todan liután,” nia dehan.

Notísia Relevante: Hena-Mutin Iha Isin-Lolon La Sente Katar No Moras, Sintoma Lepra

Jornalist : Osória Marques

Editór     : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here