Xapa matríkula. Imajen espesiál

DILI, 27 janeiru 2022 (TATOLI)–Diretór Dirasaun Nasionál Transporte Terrestre (DNTT), Antonio da Costa hateten, posibilidade hahú iha setembru to’o outubru ne’e DNTT sei distribui xápa matrikula orijinál ba motorista no karreta sira-ne’ebé sei uza hela xápa matrikula provizóriu ho surat-tahan.

Notísia Relevante: DNTT Sei Rezolve Karta Libreti ho Xapa Matrikula Orijinál

“Loos duni, xápa matrikula surat-tahan ne’e problema. Bainhira ha’u konfirma ho ha’u-nia diretór sesante informa katak Ministériu Transporte no Komunikasaun (MTK) aloka orsamentu ba ami la tuir planu hosi DNTT hanesan husu $5000 maibé MTK aloka osan mai la to’o ida-ne’e. iha setembru to’o outubru ne’e DNTT sei distribui xápa matrikula orijinál ba motorista sira,” Diretór DNTT ne’e hateten ba Agência Tatoli iha nia knar fatin, Matadouou, kinta ne’e.

António esplika, motor ka karreta balun kontinua uza xápa matrikula surat-tahan, blanku Surat Tanda Kendaraan Nomor (STNK, termu Indonézia) ho blanku Karta Kondusaun lubuk ida-ne’ebé pendente sira-ne’e, motorista sira selu hotu ona maibé sira seidauk hetan sira-nia direitu.

“Ami simu ona orsamentu no agora prepara ona verifikasaun, karik posivél tinan ne’e ita bele rezolve ona. Tanba buat hotu la’o tuir prosesu konkursu no ami sei halo planu ezekusaun no halo tenderizasaun dala ruma sei setembru to’o outubru hanesan ne’e, karik foin bele hetan,” nia dehan.

Tuir dadus hosi hosi DNTT xápa matrikula ne’ebé sei pendente hamutuk 4995 ne’ebé kompostu hosi karreta-kiik hamutuk 5819 no kamoneta 999, karta kondusaun hamutuk 23,882 no ba STNK 49.584.

Orsamentu Jeral Estadu 2022 ba Ministériu Transporte no Komunikasaun (MTK) ho montante $8.976.153 ne’ebé fahe ba kategoria saláriu no vensimentu $2.042.216, bens no servisu $4.272.906, kapitál menór laiha no kapitál dezenvolvimentu $1.398.531, transferénsia públika $1.162.500.

Aleinde ne’e, verba alokadu sei finansia sub-programa12, atividade 41, no programa lima hanesan telekomunikasaun $1.707.936, transporte $2.543.669, boa governasaun no jestaun instituisionál $4.548.939, portu $55.582 no igualidade jéneru no inkluzasaun sosiál $20.000.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here