Komandante Unidade Patrullamentu Fronteira, Superintendente Euclides Bello. Imajen espesial.

BOBONARO, 26 janeiru 2022 (TATOLI) – Unidade Patrullamentu Fronteira (UPF) serbisu hamutuk ho Unidade Polísia Militar (PM) voluntariamente konstrui umA ba komunidade kbiit laek iha aldeia Tolan, suku Batugade, postu administrativu Balibo, munisípiu Bobonaro.

Komandante Unidade Patrullamentu Fronteira, Superintedente Euclides Bello, informa, planu kontrui uma ne’e parte ida atu dignifika komunidada ne’ebé konsideradu vulnerável liu iha aspetu seguransa sosiál no seluk tán hodi envqolve sira-nia an ba iha dezenvolvimemtu nasionál.

“Ita-nia intensaun atu fasilita de’it komunidade ne’ebé merese duni hetan tulun, hanesan Timór-oan ami iha responsablidade morál atu ajuda malu, maske apoiu ne’e kiik maibé UPF no PM kontinua serbisu hamutuk presta hodi garante seguransa ba ita nia sidadaun hotu-hotu,” refere nota imprensa ne’ebé Ajénsia Tatoli, asesu iha tersa ne’e.

Superintendente ne’e fo-sai katak, materiál konstrusaun ba uma ho ninia medida 7×6 ne’e hetan apoia fundu hosi parseria PNTL ne’ebé envolve iha grupu Mama Bolu hodi tulun direitamente ba komunidade sira-ne’ebé iha suku no aldeia ne’ebé merese hetan apoia.

“Ami tau hamutuk osan ho ekipa Mama Bolu no Ramos Horta, maski ne’e simples ita buka atu halo uma ne’e ho komfortável  no iha loron rua nia laran komunidade sira bele halo uma ne’e ninia laran,” nia dehan.

Nia subliña, kestaun kbiit laek sai problema boot iha Timor-Leste tanba ne’e sosiedade hotu-hotu tenke tau matan hodi apoia Timór-oan hirak-ne’e.

Jornalista         : Sérgio da Cruz

Editór               : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here