Prokuradór Jerál Repúblika, Alfonso Lopez. Imajen Tatoli/Egas Cristovão

DILI, 26 janeiru 2022 (TATOLI)—Prokuradór Jerál Repúblika (PGR), Alfonso Lopez, husu Parlamentu Nasionál liuhosi komisaun A ne’ebé tarta asuntu Justisa no Konstituisionál atu halo ajendamentu ba diskusaun lei sibernétika.

Noísia Reelevante: MP submete proposta-lei sibernétika ba PN

“Proposta balun sei pendente hela liu-liu krime sibernétika dezde uluk ami-nia PGR sesante hatama, nune’e oinsá bele pondera ida-ne’e tama iha diskusaun,” Alfonso Lopez hateten ba jornalista sira hafoin ramata enkontru ho Prezidente Parlamentu Nasionál, Deputadu Aniceto Longuinhos Guterres Lopes, iha Parlamentu Nasionál, kuarta ne’e.

Ministériu Públiku (MP) hanesan órgaun justisa tenke mantein relasionamentu funsionál ho órgaun soberania no instituisaun sira seluk.

Durante enkontru, nia hateten, asuntu ne’ebé aborda enkontru ligadu ba Komisaun A nian responsavel iha papél importante atende ba proposta ho projeitu lei ne’ebé tama iha diskusaun.

Hanesan parte MP lejislativa sira aprova iha diskusaun espesialidade iha Komisaun A ne’ebé presiza ajusta ho estatutu Majistratu Judisiál no lei Organizasaun Judisiáriu.

Nune’e mós lei Medida Prevensaun Komate Korrupsaun (MPCC) ne’ebé vigór ona presiza lei komplementár kooperasaun ativu importante tebes hodi haree hamutuk ho órgaun lejisladór.

“Halo apreensaun ba bens ne’ebé aprendidu hanesan hodi droga, krime korrupsaun nune’e sasán sira prezerva ho didi’ak oinsá kondena ema no osan hatama ba kofre Estadu,” nia dehan.

Antes ne’e, eis PGR, José Ximenes, la esplika detallu kona-ba proposta lei ne’e ho nia artikulasaun iha artigu hira, maibé konteúdu jerál hosi lei ne’e atu regula sidadaun sira utiliza mídia sosiál ho loloos no labele halo difamasaun ba malu.

Noísia Reelevante: Projetu lei krime sibernétika regula mós utilizasaun mídia sosiál

MP submete proposta lei krime sibernétika ba Governu

Jornalista : Nelson de Sousa

Editór      : Cancio Ximenes    

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here