Kondisaun Eskola Bázika Sentrál Suai Loro, postu administrativu Suai villa, munisípiu Covalima. Imajen TATOLI/Celestina Teles.

DILI, 26 janeiru 2022 (TATOLI)—Diretór sesante Servisu Edukasaun Covalima, Edmundo Pereira informa, aban (kinta, 26/o1), prezidente grupu komunitária no enjineiru hahú foti osan hodi implementa projetu komunitáriu atu konstrui no rehabilita eskola 15 iha munisípiu Covalima.

Notísia Relevante: MEJD asina kontratu ho grupu komunitária konstrui eskola 15 iha Covalima

“Ita-nia progresu implementa projetu kominitária bazea ba informasaun aban prezidente grupu  no enjineriu sira  hahú  foti  osan  iha banku, tanba ohin no horisehik iha munisípiu Ainaro,” Edmundu Pereira hateten ba Agência liuhosi telefóníka, kuarta ne’e.

Projetu komunitária ne’e ho nia durasaun tempu hamutuk fulan neen (6) no grupu komunitáriu sira-ne’e asina ona kontratu ho ministériu relevante iha tinan kotuk (2021).

“Ha’u hanoin atu fó impaktu ka lae, tanba prosesu hanesan ne’e ita la’o tuir ida-ne’e, nune’e projetu komunitária la hanesan projetu liuhosi konkursu tanba liuhosi konkursu tenke hotu uluk. Maibé projetu kominitária ne’e presiza trata dokumentu oioin,” nia dehan.

Implmentasaun projetu komunitária ne’e utiliza orsamentu jerál estadu 2021 iha munisípiu Covalima sei rehabilita eskola hamutuk 15 ne’ebé prosesu la’o kle’ur, entaun nia implementasaun la’o to’o tinan 2022.

Diretór eskola sekundáriu jerál públiku Suai, Francelino Carvalho, hateten maske grupu komunitária asina ona kontratu iha tinan kotuk maibé to’o ohin loron seidauk implementa.

Tuir dadus hosi Edukasaun Munisípiu Covalima tinan kotuk hatudu katak, sei konstrui no reabilita eskola 15 no grande projetu ida iha Munisípiu Covalima.

Atu rehabilita no konstrui eskola sira hanesan EBF Holbolu, Laen Tolu, Maucola, Eskola Téknika Vokasionál Akar Laran, Eskola Sekundária Jeral Públiku Suai, EBC Zumalai, EBF Salasa, Icecai, Soiliga, Aitos, Macocon, Has Ain, EBC Fatumea, Traducama konstrui no reabilita eskola sala-de-aula kompleta ho eskritóriu, armajen no casa de banho (toilet).

Antes ne’e, iha loron 7 fulan-outubru 2021, Vise Ministru Edukasaun asina kontratu ho grupu komunitária 15 ne’ebé atu rehabilita no konstrui eskola 15 mai hosi OJE 2021 ne’ebé prevee iha transferénsia públika, grande projetu mai hosi rubrika fundu infreestrutura nian no konstrui eskola KAFE haat (4).

Orsamentu atu halo reabilitasaun no konstrusaun eskola hamutuk 15  iha munisípiu Covalima ho totál hamutuk millaun $1,6.

Notísia Relevante: Prosesu konstrusaun-reabilitasaun eskola 15 iha Covalima hahú tinan ne’e

Jornalista  : Celestina Teles

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here