Diretór Sentru Treinamentu Vokasionál Juventude (STVJ) Comoro, Norberto da Costa (klaran), hasai retraru hamutuk ho benefisiáriu sira. Imajen/Doc. STVJ Comoro.

DILI, 26 janeiru 2022 (TATOLI)—Diretór Sentru Treinamentu Vokasionál Juventude (STVJ) Comoro, Norberto da Costa, informa Sekretáriu Estadu Kooperativa (SECoop, sigla portugés) Elizário Ferreira apresia ba STVJ Comoro tanba bele kapasita funsionáriu SECoop sai formadór.

“Foin lalais iha 21 janeiru ne’e, ami ensera ona programa formasaun ba sertifikadu haat (4), ne’ebé halai liubá formasaun no avaliasaun, liuliu ba formadór hosi SECoop. Iha enseramentu ne’e, Sekretáriu Estadu apresia tebes ba programa formasaun ida-ne’e, tanba bele eleva kapasidade téknika formasaun ba sirania formadór liu-liu nível diretór sira-ne’ebé mak involve an mós nu’udar formadór iha Sekretáriu Estadu Kooperativa nian atu bele hadi’a di’ak liután sirania tékniku formasaun no preparasaun nu’udar formadór,” Norberto da Costa hateten ba Agência Tatoli, iha nia knaarfatin, Comoro, Díli, kuarta ne’e.

SECoop husu ba jerente Sentru Treinamentu Vokasionál Juventude (STVJ) atu bele monitoriza hodi asegura ka mellora di’ak liután sirania perfomance iha terrenu.

“Ba oin, ami sei hein tuir prosesu normál formasaun nian, bainhira sira kompleta avaliasaun ne’ebé mak ami fó tanba sira sei gradua no hetan sertifikadu nasionál ne’ebé mak hetan legalidade hosi parte Instituto Nacional Dezenvovimento Mã0-de-Obra (INDMO) nian,” nia informa.

Iha formasaun ida-ne’e atu fasilita funsionáriu SECoop sira tanba ba dahuluk sirania objetivu ida mak atu harii sirania sentru formasaun profisionál.

Nune’e mós SECoop hakarak rejista mós sirania kualifikasaun ba kooperativa nian no sira mós iha hela kooperasaun ho parte ensinu superior balun atu bele loke departamentu kooperativa, entaun iha posibilidade SECoop sei haruka tán funsionáriu balun hodi mai tuir formasaun iha ne’e hodi hakle’an sirania koñesimentu sai hanesan formadór.

Entretantu, iha formasaun ne’ebé hala’o durante loron 15 nia laran, ho totál  partisipante hamutuk 18 ne’ebé kompostu hosi feto na’inhaat (4) no mane na’in14.

Notísia Relevante: STVJ Comoro kapasita funsionáriu SECoop iha área formadór

Jornalista : Nelia Fernandes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here