Vise Primeiru-Ministru Asuntu Solidariedade Sosiál no Inkluzaun, Armanda Berta dos Santos. Imajen /Egas Cristovão.

DILI, 26 janeiru 2022 (TATOLI)—Vise Primeiru-Ministru no Ministra Solidariedade Sosiál no Inklizaun (MSSI), Armada Berta dos Santos, informa alterasaun Dekretu-Lei Governu Númeru 19/2008 (Subsídiu Apoiu ba Idozu no Inválidu Ida) ne’ebé aprovadu iha reuniaun Konsellu Ministru (KM) iha loron 07 fulan-mai tinan 2008 sei iha faze preparasaun.

Notísia Relevante: INSS prontu implementa subsídiu idozu $50 ne’ebé PR promulga ona

Dekretu lei ne’e sei halo alterasaun tanba iha diskusaun debate proposta Orsamentu Jeral Estadu (OJE) 2022 faze espesialidade, deputadu sira aprova proposta númeru 147 hodi hasa’e subsídiu ba idózu ne’ebé anterior kada fulan $30 kada fulan $50, ho rezultadu votasaun a-favór 32, kontra 26 no abstensaun hitu (7).

“Alterasaun lei ba ita-nia idozu no invalidéz ne’e parte tékniku sei halo preparasaun hela”, Vise Primeiru-Ministru hatete iha resintu Palásiu Governu, Dili, kuarta ne’e.

Tanba antes ne’e, Parlamentu Nasionál (PN) aprova subsídiu idozu ba hasa’e $50 tanba ne’e subsídiu refere hodi fó kondisaun di’ak ba ema ho defisiente no idozu sira.

Aditamentu hosi artigu 20 a, subsídiu apoiu idozu no invalidéz kria hosi dekretu lei 19/2008, 19 juñu, iha tinan 2022 montante $50 kada fulan.

Despeza orgaun servisu administrasaun sentrál títulu dotasaun todo Governu kategória despeza bens servisu, programa ho kódiku 980 kona-ba igualidade jéneru no inkluzaun sosiál, dotasaun inisiál millaun $73 alterasaun aumenta tan millaun $23,520.000 no dotasaun finál sa’e ba millaun $96,520.000.

Iha Dekretu-Lei Governu anterior Númeru 19/2008, kona-ba subsídiu ba apoiu idozu no invalidéz deside kada fulan kada iidozu simu $30 ne’ebé prosesu atribuisaun subsídiu ne’e hahú implementa iha tinan 2008 nia rohan.

Notísia Relevante: PR promulga alterasaun dekretu-lei subsídiu apoiu ba idozu no invalidéz

Dekretu-Lei Governu Númeru 19/2008 (Subsídiu Apoiu ba Idozu no Inválidu Ida) ne’e, aprovadu iha reuniaun Konsellu Ministru (KM) iha loron 07 fulan-mai tinan 2008.

Iha Konstituisaun RDTL artigu 56 (Seguransa no tulun sosiál nian) ih alina 1 hateten, sidadaun hotu-hotu iha direitu ba seguransa no asisténsia sosiál, tuir lei haruka; alinea 2 haktuir Estadu hola medida sira tuir nia kbiit nasionál nian, hodi halo organizasaun ho nia sistema ida ba seguransa sosiál; alinea 3, Estadu apoia no fiskaliza, tuir lei, ba serbisu no funsaun instituisaun solidariedade sosiál nian, no seluk tan ne’ebé nu’udar interese públiku la buka lukru (funan).

Artigu 56 ne’e reforsa hosi konstituisaun artigu 20 (Katuas no Ferik sira) iha alinea 1 hateten, sidadaun sira-ne’ebé ferik no katuas (terseira idade), iha direitu ba protesaun espesiál hosi Estadu; a;iena 2 haktuir, polítika ba ema ferik no katuas sira-ne’ebé terseira idade, sei loke leet ba sira-nia partisipasaun iha moris sosiál, ekonómiku, kulturál, atu nune’e bele moris ho dignidade iha komunidade nia laran.

Nune’e mós reforsa hosi konstituisaun artigu 21 (Sidadaun ne’ebé iha defisiénsia) iha alinea 1 hateten, sidadaun ne’ebé iha defisiénsia fíziku eh mentál iha direitu no mós obrigasaun hanesan sidadaun sira seluk, maibé sira sei la hala’o knaar hirak ne’ebé sira labele hala’o tanba de’it sira-nia defisiénsia; alinea 2 dehan Estadu binhira bele, promove protesaun ba sidadaun sira-ne’ebé iha defisiénsia, tuir lei haruka.

Notísia Relevante: PN aprova subsídiu ba idozu hasa’e ba $50

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here