Koordenadór CIGC, Brigadeiru Jenerál, João Miranda ‘Aluc’. Imajen TATOLI/Francisco Sony

DILI, 25 janeiru 2022 (TATOLI)–Primeiru-Ministru (PM), Taur Matan Ruak no Koordenadór Sentru Integradu Jestaun Krize (CIGC, sigla portugés), Brigadeiru Jenerál, João Miranda ‘Aluc’, diskute hamutuk hodi estabelese ekipa foun apoia Ministériu Saúde (MS) kontrola pontu entrada sira.

“Primeiru-Ministru bolu ha’u atualiza pontu situasaun ligadu ho prevensaun COVID-19, no mós atu forma ekipa foun tanba Konsellu Ministru deside ona atu harii ekipa ida atu akompaña permanentemente situasaun pandemia, hanesan mós atu kontrola saída no entrada aérea, marítima, no terrestre,” Brigadeiru Jenerál, João Miranda ‘Aluc’, relata, hafoin hasoru Xefe Governu, iha Palásiu Governu, tersa ne’e.

Nia dehan, durante ne’e pasajeiru sira ne’ebé liu hosi pontu entrada, barak mak la koopera ho profisionál ne’ebé hala’o hela knaar, hodi kumpre medida prevensaun ne’ebé estabelese.

“Tanba ne’e, ekipa ne’ebé sei estabelese asume funsaun rua hodi apoia Ministériu Saúde hodi bele implementa ho di’ak medida sira,” nia akresenta.

Ekipa ne’e kompostu hosi Polísia Nasionál Timor-Leste (PNTL), FALINTIL-Forsa Defeza Timor-Leste (F-FDTL) Ministériu Saúde (MS), no Servisu Migrasaun.

“Ekipa ne’e sei serbisu hamutuk ho Ministériu Saúde hodi implementa di’ak liután vasinasaun ba populasaun, tanba to’o agora ema barak mak sei rejeita vasina, ho ida-ne’e maka vasina ne’ebé hetan apoia hosi parseiru sira barak mak soe de’it,” Brigadeiru Jenerál dehan.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here