Labarik faan Has iha Mekadu Taibesi, kinta (06/01). Imajen Tatoli/Francisco Sony.

DILI, 25 janeiru 2022 (TATOLI)—Prezidente Institutu Defeza Direitu Labarik (IDDL), Dinorah Granandeiro, hatete IDDL laiha baze legál hodi haruka labarik sira ne’ebé faan sasán iha dalan ninin atu fila ba sira-nia família.

“Ami hakarak foti labarik sira iha dalan ninin atu lori fila ba nia família sira maibé difikuldade ida mak laiha lei ida espisífiku entaun kria mós polémika iha sosiedade nia leet. Ita lakohi katak ita kombate mak labarik sira-nia involvimentu traballu infantil no faan sasán,” Dinorah Granadeiro hateten ba Agência TATOLI, hafoin simu pose hosi Governu, iha salaun MSSI, Caicoli, Dili, tersa ne’e.

Kauza hosi labarik sira-ne’ebé mak iha dalan ninin tanba liuhosi avaliasaun mak kondisaun ekonómia ladún iha rendimentu ne’ebé mak di’ak atu bele sustenta ninia família.

Atu kombate kestaun ne’e la’ós IDDL nian de’it maibé parte hotu-hotu nia responsabilidade atu oinsá mak bele hasai labarik sira hosi estrada.

Maibé ho estabelesementu IDDL ne’e bele halo kampaña makaas liután hodi fó hanoin ba inan-aman sira atu inan-aman iha konsiénisa no labele kontinua uza labarik sira servisu iha dalan ninin hod hakonu família nia nesesidade uma laran.

“Maibé ami esforsu ne’ebé mak mai halo mak ezbosu lei liga ho traballu infantil ne’e agora daudaun ami servisu hamutuk ho traballu infantil iha ona parte relevante nia meza, maibé to’o agora seidauk iha resposta. Seluk mak iha tempu badak lei protesaun labarik no joven perigu bele ein vigór tanba lei rua ne’e mak bele fó espasu mai ami atu IDDL bele halo servisu di’ak liután,”  nia dehan.

Dadus ne’ebé IDDL rejsitu mak labarik hamutuk l200-resin ne’ebé mak faan iha dalan ninin no mairória mai hosi Oé-Cusse.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here