Koodenadór Rejistu Komersiál munisípiu Viqueque, Josenito Pereira de Jesus. Imajen TATOLI/Vitorino Lopes da Costa

DILI, 25 janeiru 2022 (TATOLI)–Servisu Rejistrasaun no Verifikasaun Emprezariál, Institutu Públiku (SERVE, I.P) sukursál Viqueque rejista empreza hamutuk 285, durante tinan 2021 nia laran.

“Hosi totál ne’e, fahe ba parte tolu hanesan novu rejistu, renovasaun no alterasaun. Iha fulan-dezembru ami la simu dokumentu rejistu,” Koodenadór Rejistu Komersiál munisípiu Viqueque, Josenito Pereira de Jesus, informa ba Agência TATOLI, via telefónika, tersa ne’e.

Notísia relevante: SERVE, I.P sukursál Viqueque rekolla taxa $2.568 iha tinan-2021

Empreza sira ne’ebé rejista atividade negósiu maiória ho tipu individuál (ENIN) ho totál hamutuk rejista foun 70, renova 40 no halo alterasaun 21.

“Tuir fali mai, ami simu  empreza ho tipu Unipessoal, Lda ho totál foun hamutuk 44, renovasaun 69 no alterasaun 41, empreza ho tipu sosidade por Quotas Limitada (LDA) foun rejista ida,” nia akresenta.

Reseita ne’ebé SERVE Viqueque rekolla hahú hosi janeiru to’o dezembru 2021 hamutuk $2.568,50.

“Reseita ne’ebé  kobre  hosi negosiante sira ne’ebé halo renovasaun no alterasaun atividade sira,” Koordenadór ne’e tenik.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here