Estudante sira simu Prezidente Republika, Francisco Guterres Lú Olo bainhira vizita ba Eskola Sekundária Jerál Públiku (ESJP) Seran-Kotek, Munisípiu Covalima, Kinta (27/06/2019). Imajen TATOLI/Eugénio Pereira.

DILI, 24 janeiru 2022 (TATOLI)—Reprezentante povu iha uma fukun Parlamentu Nasionál husu ba Ministéiru Edukasaun Juventude no Desportu (MEJD) atu hasai regulamentu hodi regula estudante finalista ensinu sekundáriu ne’ebé pinta farda bainhira rona rezultadu ezame nasionál, nune’e bele hatuur estudante nia dignidade hanesan futuru nasaun nian.

“Sente triste no haree estudante finalista sira balun pinta fali farda hatudu hahalok bandalizmu,  tan ne’e husu MEJD atu servisu hamutuk ho responsavel eskolár no manorin sira iha territóriu tomak atu trata asuntu ne’e ho didi’ak, nune’e bele hamosu edukasaun ne’ebé ho dignu,” Prezidente Komisaun G trata asuntu Edukasaun, António Verdiál, levanta iha plenária Parlamentu Nasionál, segunda ne’e.

Situasaun ne’e sempre akontese kada tinan bainhira estudante finalista sira rona rezultadu ezame nasionál.

Tan ne’e, Prezidente Komisaun G ne’e, fó solusaun mak ministériu tenke kria rezolusaun ida ba estudante finalista sira iha territóriu tomak atu labele hatudu hahalok bandalizmu no imorál iha rezolusaun ne’e tau mós sansaun.

Nune’e, tinan-tinan labele hala’o tan hahalok ne’e tanba edukasaun mak xave ba dezenvolvimentu no PN oinsá fó apoiu polítiku tomak ba MEJD atu trata asuntu ne’e ho dignididade.

Vise Prezidente PN, Angelina Sarmento ho Deputada Domingas dos Santos, husu tau atensaun ba preokupasaun ne’e tanba dezmolariza fali estudante jerasaun foun sira.

Jornalista : Nelson de Sousa

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here