Foho ida iha tasi okos nakfera no hamosu risku tsunami iha nasaun sira seluk inklui Tonga no Nova Zelandia iha sábadu (15 janeiru 2022).

DILI, 24 janeiru 2022 (TATOLI)—Parlamentu Nasionál (PN), segunda ne’e liuhosi sesaun plenária aprova votu pezár númeru 5/2022 hodi fó solidariedade ba vítima errupsaun vulkanu submarinu iha Hunga-Tonga.

“Rezultadu votasaun a-favór 53 kontra 0 no abstensaun 0, nune’e votu pezár ne’e pasa,” Prezidente Parlamentu Nasionál, Deputadu Aniceto Longuinhos Guterres Lopes, deklara iha Parlamentu Nasionál.

Deputada proponente, Veneranda Lemos, hateten errupsaun vulkanu submarinu ne’ebé akontese iha nasaun Tonga illa pasífiku ida iha 15 janeiru liubá halo situasaun trazíku tebe-tebes ba ita-nia maluk sira-ne’ebé moris iha nasaun ne’ebá.

Nia dehan trazíku tanba sira balun lakon vida, sasán no edifísiu barak ne’ebé estragu hotu, asesu telekomunikasaun laiha, nune’e afeta mós ba nasaun sira-ne’ebé besik, tanba ne’e textu votu pezár ne’e hanesan Austrália, Nova Zelandia, Japaun, Estadu Unidu Amérika sira-ne’e hotu agora daudaun alerta ba tsunami.

“Ita sente ita mós uluk bainhira situasaun defisíl nia laran, nasaun sira hanesan ne’e mós fó solidariedade mai ita liu-liu hanesan nasaun kiik iha mós Asea ninia leet katak saida mak akontese ba ita-nia maluk sira ne’e ita mós sente solidariedade,” nia dehan.

Tanba ne’e, proponente propoin ba Parlamentu Nasionál bele sente saida mak sira sente fó netik votu pezár hanesan solidariedade hosi Parlamentu Nasionál (PN) Timor-Leste.

Jornalista : Nelson de Sousa

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here