Sekretariu Jeral Asosiasaun Futsal Timor -Leste (AFTL) Fernando Baptista Xavier. Imajen/Espesiál

DILI, 24 janeiru 2022 (TATOLI) – Sekretáriu Jerál Asosiasaun Futsál Timor-Leste (AFTL), Fernando Baptista, informa daudaun prepara ona selesaun nasionál tanba posibilidade, iha fulan-abríl tinan ne’e partisipa iha jogu Asian Football Federation (AFF) Championship iha Thailandia.

“Ita hahú treina ona selesaun nasionál seniór iha futsál nian, iha semana kotuk, hodi prepara tanba iha abríl, agora ita sei arranka ba Thailandia hodi partisipa jogu AFF Championship,” Sekjer Fernando hateten ba Agência TATOLI iha edifisiu FFTL, Bairru Formosa, segunda ne’e.

Nia dehan, totál jogadór na’in-20-resin mak hala’o treinamentu hela no iha tempu badak sei hala’o selesaun hodi hili de’it na’in -6 mak sai hanesan selesaun nasionál.

Treinadór Timór-oan na’in-rua hanesan Estelio de Araújo no Adriano Casmiro mak fó treinamentu ba jogadór hirak ne’e.  Enkuantu, kona-ba fasilidade treinamentu apoia hosi FFTL no balun treinadór sira utiliza sira nian privadu.

“Treinadór, ita sei uza hela lokál, maibé ita hein hela atu kontrata treinadór hosi Portugál, maibé seidauk tanba sei hein desizaun hosi FFTL liuliu ezekutivu. Treinamentu fíziku ne’e ita hala’o hela iha tasi-ibun área Pantai-Kelapa,” nia akresenta.

Jogadór hirak ne’e, treinadór sira foti hosi klube 24 ne’ebé molok ne’e hala’o hela jogu iha Pra Liga Futsal Timor-Leste.

Notísia relevante: AFTL planu realiza liga futsál iha abríl

Jornalista : Hortencio Sanchez

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here