Mapa Aileu. Imajen/Espesiál

DILI, 20 janeiru 2022 (TATOLI)–Ministériu Edukasaun Juventude no Desportu (MEJD) liuhosi Diresaun Nasionál Dezenvolvimentu Parque Eskolár (DNDPE) prevee ona orsamentu $1.313.542,97 atu realiza konstrusaun no reabilitasaun sala aula 40 iha eskola 13 iha munisípiu Aileu.

Eskola 13 ne’ebé tama planu konstrusaun no reabilitasaun iha tinan ida ne’e mak hanesan Ensinu Báziku Sentrál (EBC, sigla portugés) Seloi,  Ensinu Báziku Jerál (ESJ) Dom Tomas, Ensinu Pré-Eskolár (EPE) Man tane, EPE Kolo-Bauru, Ensinu Báziku Filiál (EBF) Laklo, EBF Ur-badan, EBF Teblor, EBF Darabao, EBF Fatu-Butik, EBF Manu kasa, EBC Manu Rota, EBF Fatu besi, ESJ Públiku Aileu villa.

“Eskola ne’ebé tama planu konstrusaun no reabilitasaun tinan ne’e MEJD prevee ona orsamentu,” Diretora Servisu Edukasaun Aileu, Cristina da Conceição, informa ba Agência TATOLI, via telefónika, kuarta ne’e.

Notísia relevante: Konstrusaun eskola 203 atraza tanba presiza kumpre regra balun

Ba EPE iha eskola rua ho sala haat ninia kustu projetu $168.144,23, ba EBF iha eskola hitu ho sala aula 21 ninia kustu projetu $628.790,25, EBC iha eskola rua ho sala neen ho kustu projetu $258.891,57, nune’e totál kustu projetu ba Eskola Ensinu Báziku hamutuk $887.681,82.

Eskola ESJ iha eskola rua ho sala sia mak tama planu konstrusaun liuhosi projetu komunitáriu ne’ebé prevee ho kustu $257.716,92, enkuantu Eskola Ensinu Sekundáriu Tékniku Vokasionál iha munisípiu Aileu la tama iha planu konstrusaun.

“Iha planu programa no polítika Governu ne’ebé tau ona orsamentu ba konstrusaun fíziku eskola hamutuk 203 iha territóriu nasionál, maibé ninia implementasaun mak seidauk hatene,” nia akresenta.

Jornalista : Tomé Amado

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here