Ilustrasaun sona mate.

DILI, 20 janeiru 2022 (TATOLI)— Komandu Polisia Munisípiu Dili liuhosi Eskuadra Dom Aleixo, detein ona suspeitu mane-ida (la’en) ho inisiál ACP ne’ebé sona mate vítima nuudar feen EDD iha aldeia 20 setembru, suku Comoro, munisípiu Dili.  

Kazu omisídiu agravadu ne’e akontese iha aldeia 20 setembru-Comoro, kuarta (19/1), tuku 10:51, kalan, ne’ebé iha dezentedimentu entre suspeitu no vítima nuudar (la’en no feen), hafoin suspeitu lori tudik sona mate nian feen.

Nune’e, Komandante Eskuadra Dom Aleixo,Munisípiu Dili, Asistente Inspetór Polísia, Americo da Costa, informa, suspeitu iha hela sela detensaun Eskuadra Dom Aleixo hodi kumpre oras 72, hafoin aprezenta ba Ministériu Publiku, molok ba halo primeiru interogatóiu iha Tribunál.

“Kazu ne’e ho motivu tanba dei’t feen husu osan ba nia la’en, atu selu labarik nia eskola,mak hamosu dezentedimentu entre sira rua.  Nune’e halo la’en ho inisiál ACP foti tudik sona nia feen EED iha kuartu laran no sona iha nia isin lolon parte barak  to’o nia-feen  mate fatin,”  Asistente Inspetór Polísia, hateten ba jornalista sira iha Eskuadra Dom Aleixo Comoro, kinta ne’e.

Hafoin sona mate nia-feen, membru Polísia Eskuadra Dom Aleixo detein kedan suspeitu hodi transporta mai iha sala detensaun.

“Ami kaptura kedan suspeitu no ami foti kedan suspeitu nia tudik ne’ebé nia kaer hodi hakotu nia-feen nia vida, ami lori kedan suspeitu mai hatama iha sela Eskuadra Dom Aleixo. Kazu ne’e agora dadaun ami halo ona prosesu investigasaun,” nia afirma.

Daudaun ne’e, mate isin EDD iha hela prosesu autópsia iha Hospitál Nasionál Guido Valadares (HNGV) Dili hotu lori kazu ne’e tuir dalan legal.

Jornalista : Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here