Diretor Ezekutivu Asosiasaun Halibur Defisiénsia Matan Timor-Leste (AHDMTL), Gaspar Afonso .Imajen/Joanico de Araújo.

DILI, 20 janeiru 2022 (TATOLI)—Diretór Ezekutivu Asosiasaun Halibur Matan Timor-Leste (AHDMTL), Gaspar Afonso, hateten Ema ho Defisiénsia (EhD) seidauk asesu edukasaun inkluzivu ho másimu.

Notísia Relevante:  Governu asegura inkluzividade-sustentabilidade Ema ho Defisiénsia

“To’o agora Ema ho Defisiénsia sira seidauk asesu edukasaun inkluzivu ho másimu. Tanba ne’e ita presiza dezenvolve área edukasaun maibé edukasun ida-ne’ebé mak inkluzivu liu iha sosiedade no Timor-Leste. Tanba ita bele dehan Ema ho Defisiénsia matan ne’e sensitivu tebes tanba labele asesu ba buat hotu-hotu,” Gaspar Afonso hateten ba Agência TATOLI, liuhosi telefónika, kinta ne’e.

Tuir nia, Ema ho Deisiénsia (EhD) matan sira seidauk asesu edukasaun inkluzivu ho di’ak tanba implementasaun mak seidauk másimu, entaun tenke kria kondisaun ba Ema ho Defisiénsia matan sira liu-liu fasilidade saida mak bele fasilita ema hirak ne’e.

Sira-ne’ebé daudaun ne’e tuir hela edukasaun inkluzivu mak ensinu rekorente iha faze lima ne’e atu kontinua ba faze neen mak to’o agora edukasaun seidauk estabelese.

Tanba ne’e, nia dehan, hosi parte Asosiasaun Halibur Matan Timor-Leste (AHDMTL) buka hela dalan atu sira hirak ne’ebé ramata oma faze lima ne’e bele kontinua no bele remata faze neen ne’e.

Nia esplika, edukasaun inkluzivu ba faze lima ne’e hanesan ho pre-sekundária sira no faze neen ne’e hanesan ensinu sekundária.

“Ema ho defisiénsia matan foin mak na’in-25 mak remata ona hosi faze lima nian,” nia informa.

Dadus Ema ho Defisiénsia (EhD) iha Timor-Leste hamutuk 38.118, no hosi númeru ne’e ema defisiénsia matan hamutuk 14.828, ema ho difisiénsia tilun 12.000-resin, ema ho difisiénsia mobilidade ka motora 7000-resin, no ema difisiénsia psikolojia no intelektuál hamutuk 3000-resin.

Notísia Relevante: Ema ho Defisiénsia menus asesu ba edukasaun inkluzivu

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here