Xefe Estadu Maiór Jenerál F-FDTL, Tenente Jenerál Lere Anan Timur. Imajen TATOLI/António Gonçalves

DILI, 19 janeiru 2022 (TATOLI)–Ministru Defeza (MD), Filomeno da Paixão de Jesus, hateten, Governu sei realiza fali reuniaun Konsellu Ministru (KM) estraordinária hodi diskute pedidu reforma hosi Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Lere Anan Timur. 

“Reuniaun Konsellu Ministru ohin seidauk deside, ami submete ohin (kuarta), maibé adia ba sesta lorokraik mak realiza fali Konsellu Ministru hodi diskute. Proposta ba Primeiru-Ministru ne’ebé ami sei iha fali reuniaun extraordinária ida hodi diskute,” Ministru Filomeno informa hafoin reuniaun ezekutivu, iha Palasiu Governu, Kuarta ne’e.

Notísia relavante: Kandidata an ba PR, Lere submete ona karta reforma ba Governu

Governante ne’e dehan, nia simu karta reforma hosi Tenente Jenerál iha tersa (11/01).

“Karta ne’e submete ona mai ha’u iha loron 11 janeiru ne’e, maibé tanba iha férias hela, ne’ebé horiseik mak ami foin hasoru malu hodi ko’alia hotu kona-ba karta ne’e no submete hotu ona ba Konsellu Ministru, tanba ne’e bainhira seidauk iha desizaun finál, ha’u seidauk bele ko’alia buat ida,” nia esplika.

Antes ne’e Lere deklara prontu ona atu kandidata an ba Prezidente Repúblika ba períodu 2022 to’o 2027, ne’ebé ba kestaun ne’e, nia parte admite hetan ona forsa polítika, tanba ne’e nia preparadu kompete.

Tenente Jenerál Lere Anan Timur lidera F-FDTL durante tinan-haat, hahú 2015 to’o 2019, hafoin prolonga ka estende tan.

Jornalista : Antónia Gusmão

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here