Xefe Sentru Saúde Formosa, Jaimé dos Reis Belo. Imajen: Felicidade Ximenes

DILI,19 janeiru 2022 (TATOLI)—Xefe Sentru Saúde Formoza, Jaime dos Reis Belo, hahú iha fulan dezembru 2021 to’o meadu janeiru 2022, rejista paseinte pozitivu dengue na’in-32, hosi númeru ne’e mate na’in-rua.

“Moras dengue nia númeru sa’e hahú husi fulan dezembru mai to’o agora, ita rejista ona kazu dengue hamutuk 32 no mate na’in rua. Ema na’in-rua ne’ebé mak mate ne’e iha fulan dezembru 2021. Maibé iha janeiru ne’e ita seidauk rejistu ema mate no pasiente sira ne’e mai hosi Lahane orientál no Bemori,” Xefe Sentru Saúde Formoza ne’e hatete ba TATOLI iha nia kna’ar fatin,kuarta ne’e.

Notísia Relevante:Pasiente dengue aumenta ba 521, óbitu nain-sia

Tuir resposavél ne’e, sentru ne’e sei iha espasu sufisiente atu simu pasiente sira no mós médiku sira, Parteira no Enfermeiru prepara atu fó atendimentu saúde.

“Iha sentru ne’e mós fó baixa ba labarik kiik no ema boot, ne’ebé kada loron ita fó baixa ba ema na’in-30 to’o 40 no minímu-liu mak na’in-20, maibé kama sei sufisiente hela” nia akresenta.

Hodi hatutan, “Ami mós konsulta tuir saida mak iha, maibé hanesan Xefe sefi sentru ne’e husu ba Ministériu Saúde bele hadi’a ami-nia kobe house ne’e hodi fó tratamentu ba pasiente sira ho di’ak,” nia sujere.

Alende ne’e, Sentru saúde ne’e rejista mós moras infensaun respiratóriu (ISPA), diareia no moras kulit.

Laiha transporte

Xefe Sentru Saúde Formosa mós hatutan, sentru ne’e enfreta hela difikuldade, bainhira hala’o atividade klínika movél hodi fó atendimentu ba komunidade sira tanba laiha transporte ka karreta.

“Ami-nia difikuldade ida mak transporte tanba iha de’it karreta ambulánsia, ne’ebé laiha transporte atu reforsa servisu klínika movel hodi vizita komunidade, eskola-sira nomós vizita domisiliáriu ne’e mak difikulta ba ami–nia servisu,” nia preokupa.

Sentru Saúde ne’e hala’o attividade klínika movél iha suku Lahane Orientál, suku Bemori, suku Santa-Cruz, Bidau Lecidere, Bidau Akadiruhun, nune’e presiza transporte atu fó konsulta ba komunidade sira kada fulan.

“Agora ambulansia ne’ebé mak iha ne’e espesiál ba tula pasiente transferénsia sira ba Hospitál Nasionál Guido Valadares (HNGV) no mós lori ba Vera-Cruz no karreta multifunsaun ne’e patrimóniu Estadu foti, ne’ebé atividade sira ne’e la la’o ona,” nia preokupa.

Notísia Relevante: Pasiente dengue na’in-132 konsege rekuperadu

Jornalista: Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here