Vendedór ida hadi’a hela nia sigaru ne’ebé faan iha estrada ninin iha merkadu Taibese. Imajen Tatoli/Antonio Gonçalves.

DILI, 19 janeiru 2022 (TATOLI)—Diretór Aliansa Nasionál Kontrolu Tabaku Timor Leste (ANCT-TL, sigla português), Sancho Fernandes, hateten relasiona ho folin tabaku ne’ebé sa’e iha merkadu ne’e di’ak, tanba bele hadook foinsa’e no labarik minoridae hosi fuma tabaku.

Notísia Relevante: PN aprova taxa seletivu tabaku hasa’e ba $50

“Folin tabaku sa’e iha merkadu ne’e di’ak, nune’e bele prevene itania labarik minoridade, liu-liu sira-ne’ebé idade sei kiik hosi tinan 17 mai kraik labele fuma lai tabaku, tanba iha impaktu boot ba sirania saúde tantu fiziku no mós saúde psikólojia. Alende ne’e, bele ajuda itania komunidade, liu-liu ema sira-ne’ebé fuma atu rai osan. Ezemplu, se ema ne’e loron ida nia fuma masu ida to’o fulan ida, nia bele gasta to’o $60. Maibé kuandu ho folin sa’e nia hahú hola menus no balun hahú deside para hosi fuma ne’e katak sira bele rai osan liután ba familia nia nesesidade bázika,” Sancho Fernandes hateten ba Agência Tatoli, liuhosi telefónika, kuarta ne’e.

Durante ne’e, TimorLeste ema fuma tabaku barak, la’ós ema adultu sira de’it maibé foinsa’e sira mós tanba konsikuénsia hosi sigaru nia folin baratu, aleinde folin baratu ema mós bele hola kada sigaru lolon ida-ne’e mak halo foinsa’e sira iha centavu $10 mós sira bele fuma ona sigaru.

Notísia Relevante: Hasa’e taxa tabaku ba TL saudavel  

“Ha’u hanoin, ba oin Governu implementa di’ak lei tabaku, liu-liu iha artigu 15 konaba labele faan rahun, kada sigaru faan masu de’it atu nune’e labarik sira laiha kbiit atu bele sosa sigaru,” nia dehan.

Tanba ne’e, nia enkoraja fumante sira atu ba vizita klínika atu bele halo tratamentu bele hapara fuma sigaru, nune’e bele livre dependensia ba droga tabaku tanba importante ba ema hotu katak saúde ne’e importante.

“Fuma tabaku ne’e perigu boot tebe-tebes, hanesan fuma iha tempu naruk bele hetan moras atakasaun fuan, estroke, tensaun aas no moras pulmaun kronika. Tanba ne’e. Ita para uza tabaku ne’e desizaun saudavel, ida-ne’e bele hamenus risku atu ita hetan moras,” nia dehan.

Notísia Relevante: Hasa’e taxa tabaku ba TL saudavel

Jornalista : Nelia Fernandes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here