Diretór STAE Covalima, Francisco Gusmão. Imajen Tatoli /Celestina Teles.

DILI, 18 janeiru 2022 (TATOLI)—Sekretáriadu Tékniku Administrasaun Eleitóral (STAE) Covalima rejista ona eleitór hosi postu administrativu hitu (7) ho dadus provizóriu hamutuk 4.441 ne’ebé mak sei partisipa iha eleisaun prezidensiál 2022.

Notísia Relevante: STAE sei fasilita dadur iha prizaun Covalima halo kartaun eleitorál

“Hahú hosi janeiru 2021 to’o 14 janeiru 2022, STAE Covalima rejista eleitór ho dadus provizoriu hamutuk 4.441 no hosi númeru ne’e eleitór foun hamutuk 2.609 no eleitór atualizasaun baze dadus (ABD) hamutuk 1.832, tanba ita sei tau hamutuk ho dadus atuál ne’ebé mak sei públika liuhosi ami-nia diretór nasionál,” Diretór STAE Covalima, Francisco Gusmão, hateten ba Agência Tatoli liuhosi telefóníka, tersa ne’e.

Hosi eleitór 4.441ida-ne’e, nia informa, seidauk inklui dadus ne’ebé mak antes ne’e iha sistema STAE nian ne’ebé hamutuk 47.961, provizóriu hodi aumenta tan 100-resin de’it ona hosi dadus ne’ebé mak STAE halo atendementu iha 2021.

Bazea ba kalendáriu, STAE hahú halo resensiamentu eleitorál iha fulan janeiru 2021 ne’ebé remata ona halo resensimentu eleitorál iha loron 14 fulan-janeiru tinan 2022.

“Nune’e, preparasaun STAE Covalima ba iha eleisaun prezidensiál ne’e, brigada STAE sira hahú identifika ona materiál iha eskritóriu hodi hamoos urna sira-ne’ebé mak momentu uza ona. Ami-nia brigada sira sei identifika dadus, ita halo iha tinan 2021 hodi apar dadus iha Sistema,” nia dehan.

Dadaun ne’e, STAE Covalima rejista ona sentru votasaun hamutuk 80 no labele aumenta ona tanba halo ona rekrutamentu ba brigada sira atu destaka iha sentru votasaun iha munisípiu Covalima ne’ebé sho nia estasaun vota hamutuk 92.

Jornalista  : Celestina Teles

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here