Prezidente Konsellu Veteranu, Vidal de Jesus Riak Leman. Imajen Tatoli/dok

DILI, 18 janeiru 2022 (TATOLI)—Prezidente Konsellu Veretanu, Vidal de Jesus ‘Riak Leman’, informa komisaun verifikadór nasionál sei hahú fali halo verifikasaun ba dadus veteranu rejistadu 2009 iha fulan-fevereiru tinan 2022.

Notísia Relevante: Ekipa verifikadór nasionál verifika ona dadus veteranu 60.215

“Ekipa Nasionál sei hahú fali verifka dadus veteranu rejistadu 2009 nian iha fulan-fevereiru, ne’ebé mak orienta hosi Ministériu Asuntu Kombatente Libertasaun Nasionál (MAKLN) liuhosi Sekretáriu Estadu Asuntu Kombatente Libertasaun Nasionál (SEAKLN),” Prezidente Konsellu Veteranu ne’e hateten ba ba Agência TATOLI, iha nia knaar fatin Vila Verde, Dili, tersa ne’e.

Verikiasaun ne’e foin atu hahú fali tanba foin lalais ne’e suspende provizóriu iha  selebrasaun loron natál no tinan foun, entaun iha fulan-fevereiru ne’e bele ona hahú fali halo verifikasaun tanba tuir dadus ekipa verifikadór foin mak verifika ema hamutuk 60.215 (43,7%).

“Verifikasaun ba veteranu rejistadu 2009 presiza aselera, nune’e bele konklui lalais iha tinan ne’e,” nia dehan.

Antes ne’e, Governu liuhosi MAKLN ho nia ekipa validasaun, tersa (03/08/21) dezloka ba territóriu Timor-Leste hodi halo verifikasaun ba dadus Kombatente Libertasaun Nasionál ne’ebé rejista iha tinan 2009.

Ekipa ne’ebé dezloka ba munisípiu sira-ne’e, sira-ne’ebé mak koñese situasaun veteranu sira-nian no hanesan mós estrutura konsellu munisipál nian, tanba parte nasionál anúnsia ona ba Prezidente no Vise-Prezidente Konsellu Munisipál atu partisipa direta ba prosesu verifikasaun dadus ne’e.

Kona-ba veteranu ne’ebé mak mate no maske naran taka sai ona, nia dehan, Governu nafatin fó konsiderasaun atu simu direitu hosi saudozu ne’e rasik.

Maibé, tuir nia, saudozu ka saudozu nia inan-aman ka maun-alin no bele mós ba feen-laen mak iha direitu atu bele subtitui fali, tanba Lei la dehan oan haki’ak atu simu fali direitu ida-ne’e.

Veteranu iha territótiu nasionál ne’ebé mak rejistu iha tinan 2009 no sei halo verifikasaun ne’e hamutuk 124.680.

Liuhosi konteúdu ne’ebé mensiona iha Estatutu Kombatente Libertasaun Nasionál, Lei nú. 3/2006, no artigu 13° “Registo da Qualidade de Combatente da Libertação Nacional” sei kontinua hala’o validasaun rejistu ba períodu daruak nian ba rekoñesimentu hanesan Kombatente Libertasaun Nasionál ne’ebé rejista iha tinan 2009.

Jorrnalista : Osória Marques

Editór        : Cancio Ximenes

PUBLISIDADE HUSI MTCIiklan

1 KOMENTÁRIU

HAKEREK NO HATÁN

Please enter your comment!
Please enter your name here