Mapa Timor-Leste. Imajen/Espesiál

DILI, 18 janeiru 2022 (TATOLI)–Ministériu Transporte no Komunikasaun (MTK) liuhosi Diresaun Nasionál Meteorolojia no Jeofízika (DNMG, sigla portugés) alerta katak iha posibilidade boot mosu udan ho intensidade moderadu-forte ne’ebé akompaña ho anin semana ne’e.

“Ba populasaun tomak, liuliu hirak ne’ebé hela iha área foho no kosta sul (tasi mane), katak iha posibilidade boot mosu udan ho intensidade moderadu-forte, ne’ebé akompaña ho anin iha semana ne’e nia laran, entre kuarta 19 to’o 22 janeiru 2022. Posibilidade boot mosu udan, atensaun ba territóriu Timór laran tomak, espesiál ba Rejiaun Administrativa Espesiál Oé-cusse Ambeno (RAOEA) no Bobonaro, Ermera, Aileu, Dili, Manatuto, Viqueque no Lautém,” refere nota ne’ebé Agência TATOLI asesu, tersa ne’e.

Notísia relevante: PM husu komunidade tau importánsia ba ‘alerta’ hosi Meteorolojia

Nune’e mós, DNMG bolu atensaun ba populasaun tanba iha posibilidade mosu laloran boot iha kosta norte (tasi feto), liuliu ba tasi Oé-cusse, Bobonaro, Liquiçá, Dili no Manatuto.

“Bainhira akontese udan, iha posibilidade mosu risku bee sa’e, mota-tun, rai halai, ai-tohar, eletrisidade mate, interrupsaun ba atividade transporte marítima no peska. Tanba ne’e, husu ba populasaun sira bainhira akontese udan no anin boot, hadook-an nafatin hosi fatin risku sira no buka hela iha fatin ne’ebé seguru,” nia akresenta.

DNMG fó hanoin katak bainhira iha kazu emerjénsia ruma ne’ebé presiza halo evakuasaun, husu atu populasaun matein kalma nafatin no evita pániku hodi halo tuir orientasaun autoridade lokál ka pesoál Protesaun Sivil.

Jornalista : Arminda Fonseca

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here