Motór New Beat Sporty CBS. Imajen/Espesiál

DILI, 18 janeiru 2022 (TATOLI)—Diretór UD PALMA MTC, Filomeno Baptista, hateten hahú tinan 2021 to’o agora pedidu sosa motór sempre aumenta, nune’e halo stock ne’ebé iha la to’o hodi hatan pedidu kliente atu sosa.

“Baibain ne’e ami buka ema atu sosa, maibé ba tinan ne’e foin dahuluk, ami-nia motór tama unidade 438, ema sosa na’in mak mai barak liu tiha fali motór, maski iha ne’e motór ho tipu oioin maibé ema buka liu mak New Beat Sporty CBS,” Filomeno Baptista informa ba Agência TATOLI, iha ninia knaar fatin, tersa ne’e.

Tuir Responsável empreza ne’e, tama janeiru 2022, dealer hatama motor besik unidade 500 hosi Indonézia.

“Desde loron 13 janeiru to’o agora, ema mai atu sosa de’it motór New Beat Sporty CBS, hahú dadeer de’it fatin ne’e nakonu maibé motór mak nia stock hotu,” nia akresenta.

Motór ho marka New Beat Sporty CBS, dealer fa’an ho presu $1.400 (folin iha Indonézia Rp16.315.000), Beat Sporty CBS ISS ho presu $1.450, no New Beat Street $1.425.

“Motór sira seluk ne’e nia stock iha, maibé ita-nia maluk sira buka de’it mak New Beat Sporty CBS,” nia dehan.

Nune’e, parte dealer iha planu atu sosa tan motór favoritu ne’e iha fulan-fevereiru nia-laran, maibé susar tanba mákina ba tipu New Beat Sporty CBS iha Indonésia laiha no baibain haruka hosi Japaun.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here